Comoro, 10 de Agusto 2022. Iha segundu noviciado ne’ebe ami hala’o primeiru iha introdusaun husi Madre Provincial Me. Alma Castagna FMA, iha Madre nia liafuan abertura nian, Madre fo hanoin mai ami hodi dehan : Momentu ne’e mak momentu grasa nian tamba Institutu fo tempu ba imi, ho folin boot atu para no tama klean liu hodi reflekte, le’e no kontempla Maromak nia prezensa iha tinan hirak ne’e nia laran. Tan ne’e husu imi atu husik aktividade lor-loron nian atu hare fila fali ba moris no deskobre Maromak nia hakaran. Nune’e momentu ida ne’e mak Maromak oferese nia liman atu kaer no la’o hamutuk ho imi no la’o ho Nia, husu Nia Espíritu atu guia no akompaña imi.

Ho ksolok ami agradese Na’I no ba Ispetoria ne’ebe ho domin fo oportunidade mai ami, atu bele hala’o ami nia formasaun segundu noviciado ba sesaun primeiru nian ho ninia tema mak “ Orasaun”. Formasaun ne’e hala’o iha Comoro husi loron 7-10 Agostu no pregadora mak Ir. Angelita Gomes FMA, ne’ebe guia no akompaña ami kuase semana ida nia laran. Iha formasaun ida ne’e tema ne’ebe ami haklean liu mak ‘’Orasaun Kreda no mos orasaun tuir stilu Salesiana nian’’,liu-liu madre foti husi konstituisaun artigu 37-48. Kada artigu iha ninia esplikasaun, no mos ami hetan tempu atu reflekte no shering iha grupo. Husi formasaun ne’e fo signifikadu baa mi nia moris katak orasaun mak save atu iha inkontro ho Na’i. Iha tempu hanesan madre mos hatudu mai ami Amu Papa nia mesagen konaba orasaun no oinsa atu reza didiak :

1. Uza fuan( Gunakan hati) katak orasaun ne’ebe ita hato’o tenke mai husi fuan.
2. Halo dialogu diak (Membagun komunikasi) katak Maromak nia hakarak mak atu ita hari’I relasaun intima ho Nia liu husi Orasaun.
3. Keta finjidu/a (Jangan Munafik) katak ita labele sai oin rua iha orasaun, ho Maromak ita halo diak maibe ho ita nia maun alin sira ita lahalo diak (mura-mura, odio, koalia at…etc)
4. Labele hamrok ba ema nia hahi (Jangan haus akan pujian dari orang lain) katak nu’udar sarani ita halo buat diak ruma la presisa ema hahi maibe fo sasin liu-liu ba valores fiar sarani nian.
5. Uza konsiensia (Mengunakan hati nurani) Nu’udar sarani diak ita reza ho ita nia konsiensia katak ita, tama iha ita nia kuartu fuan atu bele halo dialogu diak ho Na’i.
6. La foti An (Tidak Menigikan diri) Nu’udar sarani Katólika ita iha interese ba malu, no tulun malu iha buat hotu.
7. Hafoun an nafatin (Selalu memperbaharui diri) Nu’udar sarani katolika ita hafoun an nafatin ho Maromak nia grasa.

(Domingas_Fatima FMA)