Dili, Timor-Leste, Grupo Assosiasaun de Votos Maria Auxiliadora iha Dili; celebra tinan 150 fundasaun nian ho Peregrinasaun Religiosa atu hetan Indulgência Plenária. Programa ida ne’e, hahú ho Confeissaun iha Paróquia Maria Auxiliadora iha loron 28 Julho 2022. Sacramento Confeissaun nudar preparasaun diak atu prepara peregrino/a ida-idak hodi nune’e bele hetan graça nebe peregrino/a ida-idak necessita.

Hafoin iha loron ohin (29 Julho 2022) grupo ADMA hamutuk ho sira nia delegada Madre Brigida de Sousa,FMA hamutuk ho sira nia coordenador Sr. Joel Soares halao hela peregrinasaun husi Paróquia Maria Auxiliadora iha tuku 3 Madrugada (3@m) too Monumento Na’i Feto Lecidere. Peregrinasaun nebe ho distância kilometro 2 ne’e realiza ho ho lao ain hodi Reza terço hodi reza ba intensaun oin-oin nebe grupo prepara tiha ona.

Too tiha iha Monumento Na’i Feto Lecidere; grupo continua reza ho hananu iha Na’i Feto nia oin.

Hafoin iha tuku 6 dader; Peregrino sira continua hodi celebra Santa Eucaristia iha Na’i Nia Oin. Hodi celebra memória Santa Marta ninia homilista reflecte kona ba Vida ativa (Banati tuir Marta) no comptemplativa (Banati tuir Maria). Iha ita nia moris ita precisa Contemplasaun no Assaun hodi Serviço makas ba Maromak nia glória no Salvasaun klamar sira nian.

Mundo ohin loron nebe preocupa ho sasan mundo nian; grupo ADMA fo netik hanoin mai ita liu husi Peregrinasaun ida ne’e atu ita alinha fali ita nia moris tuir Maromak nia Hakarak ba ita nia Salvasaun.

Peregrinasaun ida ne’e; remata ho Bensan Maria Sarani sira nia tulun.

(Media SDB Timor-Leste)