Laga – Familia Salesiana, inklui Salesiano- Cooperadores, ADMA, Antigas/os alunos no foinsae sira ne’ebe  pertense ba Grupu-Assosiasaun Maria Mazzarello, consentra hamutuk iha uma FMA Beata Laura Vicuña Laga, ho objetivu prinsipal ida deit” ATU KONESE KLEAN LIU TAN  KO-FUNDADORA MARIA MAZZARELLO NIA  MORIS.

Ho haksolok orfaun sira hananu  ho solene, hino tinan 150 prezensa FMA iha mundo, hodi simu konvidados sira iha fatin refere. Hafoin remata tiha introdusaun badak husi apresentadora sira, konvidados sira hahu kedas visita fatin istoriku sira Madre mazzarello nian, hanesan: Borgo-Alto, Casa-Imaculada, Valponasca, Colegio, Mazzarelli no Paroquia. Partisipantes sira sente orgulho ho fatin istoriku ida-idak, sira apresia no iha interesse atu hatene duni istoria Madre mazzarello nian, liu-liu virtude sira Madre mazzarello nian ne’ebe desafia duni sira atu pratica iha moris  loron-loron nudar familia Salesiana.

Atividade ne’e sai duni vantagen bo’ot ba partisipantes  sira. Ho laran haksolok sira agradese tebes ba  oportunidade furak ida ne’e.

(Agostinha Magno FMA)