MJS koñese liután Don Bosco liuhusi ninia hakerek rasik: “Memória Oratóriu nian”

 

Iha finál fulan Setembru nian, Inspetoria “M.Mazzarello” FMA no Preprovince “Callisto Caravario” SDB, sei hala’o forum MJS iha Baucau. Atu prepara ba akontesimentu ida ne’e, ita-nia komunidade sira hatán ba konvite ne’ebé Reitor Mór hato’o ba Família Saleziana tomak: lee “Memorie dell’Oratorio” atu hatene di’ak liután Don Bosco nia istória liuhusi Don Bosco rasik nia liafuan sira.

Tan ne’e iha tempu ida ne’e foin-sa’e sira husi komunidade FMA no SDB sira prepara drama ida ne’ebé foti inspirasaun husi Don Bosco nia livru. Tuir grupu ida-idak nia kriatividade no nia kapasidade, sira aprezenta sira-nia drama ba Komisaun ho membru na’in 3 ne’ebé avalia sira-nia serbisu, hodi hili grupu ne’ebé manán kompetisaun ida ne’e. Grupu ruma hili akontesimentu ruma ne’ebé ema hotu ne’ebé hadomi Don Bosco hatene ona, maibé grupu ruma, hodi foti duni liafuan sira husi “Memorie”, hatudu aspetu ruma Don Bosco nian, ne’ebé foun. Nune’e, ho atividade ida ne’e, ami bele dehan katak ami konsege objetivu ne’ebé padre Pascual Chavez husu ba Família Saleziana tomak.