Dili – Comoro, husi loron 5-9  Jullu 2022, ami haklean kona votu Obediénsia ho Ir. Esmeralda Soares FMA.  Molok atu haree Obediénsia iha konstituisaun FMA, uluknanain ami haree obediensai Evanjelika no  ninia dimensaun sira mak  hanesan :

• Dimensaun Kristolójika
• Dimensaun pesoál
• Dimensaun profétika
• Dimensaun komunitária

Husi dimensaun sira nee, hakarak dehan katak ita halo votu sira atu oferese ita nia hakarak tomak hanesan sakrifisiu ida ba Maromak no sai atan ida.  Ho votu obediénsia nian ita fo sasin katak relijiosa : lakohi moris tuir ho kbiit, tamba hakarak troka posibilidade atu komanda hodi servi ho laran livre ba ema hotu no obediénsia tulun ita atu harii komunaun, nune’e atu moris Maromak nia reino iha mundu ne’e.

Obediénsia iha dokumentu kreda nian mós dehan :

• Perfectae caritatis
  Hodi halo votu obediesia, relijiosa oferese sira nia hakarak hotu nu’udar sakrifisiu ba Maromak.  Sira mos komprende katak obediénsia relijiosa, dook husi halakon ema nia dignidade, lori ema ba dalan maturidade nian hodi haburas liberdade nu’udar Maromak oan.
• Dokumentu Vida Consagrada
  Obediénsia ne’ebe moris tuir, atu imita Kristu ne’ebe Nia aihan mak atu halo tuir Nia Aman nia hakarak, hatudu dependensia nia furak ne’ebe liberta, laos dependensia atan nian, maibe, dependensia oan nian. Iha maneira forte, obediénsia konsagrada propoin fali Kristu nia obedensia ba Aman Maromak no ho misteriu ida ne’e fo sasin katak laiha kontradisaun entre obediénsia ho liberdade.

Tuir Don Bosco nia hanoin, obediénsia mak aspetu komuñaun nian, tamba kesi ida-idak ba sira seluk no kesi hamutuk ba Maromak. Tuir Madre Mazzarello, Obediénsia tenke sai ó nia belun diak, haketak-an  husi nia, atu halo tuir o nia hakarak deit no misura santidade nian mak obediénsia.
Iha loron hirak ne’e ami haree fali ami nia moris ho artigu konstituisaun sira ne’ebe liga ho votu obediénsia. Iha reflesaun ida ne’e, ami hahu ho lectio divina no taka ho selebrasaun votu obediénsia nian no ami  ida-idak  halo kompromisu  pesoal atu bele moris diak liutan votu ida ne’e.No ami mos halo laboratorio hodi  resumu fali  buat hotu ne’ebe haklean durante loron 5 nia laran. Obrigada Ir. Esmeralda Soares FMA