Dili – Iha loron 3 Jullu 2022, iha komunidade São José-Noviciado Komoro-Dili, halao Kampu Mazzarello ba Antigas/os Alunas/os, ADMA no FMA sira nia familia hodi selebra loron “Fundasaun Instituto FMA ba dala 150”. Evento ne’e organiza husi Me. Evangelina, Me. Ermelinda da Silva no Me. Brigida. Sira kolabora mos ho Irmán sira ne’ebé pertense ba Komunidade Noviciado no Divina Rovidêndia nomos Noviça sira. Partisipante sira besik Atus ida Lima nulu (150). Atividade ne’e hahu ho Misa ne’ebé prezide husi Pe. Mario do Rosario, SDB, hafoin merenda hamutuk no kontinua kedas ho apresentasaun Istória Madre Mazzarello nian no fundasaun Instituto nian.

Iha kampu ne’e fahe partisipante sira ba grupo ne’e ne’ebé sei lao haleu fatin sira ne’ebé preparado ona ho istória Fundasaun Instituto nian. Fatin sira mak hanesan: Mazzarelli, Borgo Alto,Paroquia, Valponasca, Uma Imaculada no Collegio. Iha grupo 6 ne’e sei lao haleu fatin 6 ne’e ne’ebé ami prepara hanesan Mazzarelli iha TOT; Borgo Alto, Paroquia no Valponasca iha Komunidade Divina Providência no Uma Imaculada no Collegio Iha Komunidade Noviciado. Hahu ho grupo ida-idak ba fatin ida-idak hafoin sei halo rotasaun no ikus kada grupo vizita hotu fatin 6 ne’e. Sira partesipa ho entuziasmo no atensaun bo’ot tebes tamba hotu tiha vizita fatin sira sei iha Certame kona ba Fundasaun Instituto FMA nian ne’ebé materia sira certame nian foti informasaun ne’ebé sira hetan iha Kampu Mornese. Nune’e depois de almoço kontinua fali ho Certame husi kada grupo ne’ebé partesipa iha Kampu ne’e.

Ikus mai manan nain ba certame: Manan nain dahuluk monu ba Irmaun SDB sira; manan naindaruak monu ba ADMA Komoro no Manan nain datoluk monu ba ADMA Balide. Parabens ba imi nia esforsu ne’ebé buka haklean Istória Instituto FMA nian.

Husi fuan ami agradese wain ba partisipante sira hotu ne’ebé marka ona prezensa iha eventu ne’e. Ida ne’e hatudu ona oinsa ite bo’ot sira nia domin ba ami nia Ko-Fundadora no suporta ba misaun ne’ebé nia husik hela mai ami. Ami hein katak ho esperiensia ida ne’e tulun ita atu hadomi liu tan Maromak no ita nia maun-alin sira. Mai hamutuk ita selebra festa Fundasaun Instituto FMA nian ba dala 150. Maria Auxiliadora no Santo-Santa iha familia Salesiana nia harohan mai ita hotu. Obrigada barak

(Noemia de Deus, FMA)