Dili- Hahú husi loron 29 Juñu – 3 Jullu 2022  Ir. Olga Belo, FMA akompaña ami hodi fahe ho ami artigu  idantidade  karismatika. Madre dehan “ Momentu  ida ne’e, ita hotu mai fali atu para no horik hamutuk ho Nia, ita nia Na’i, ita nia Maromak, nune’e deit mak ita nia saran-an ba Nia sei sai oferesimentu total  no ba nafatin”.  Durante loron 5 nia laran  Ir. Olga FMA, tulun ami atu fila fali ba kotuk hodi halo memoria ba ita nia fundadores sira oinsa hahu ita nia Institutu, liu husi artigu konstituisaun  1-7 kona ba identidade karismatika FMA nian.

Reflesaun sira bazeia ba artigu konstitusaun :

• Institutu FMA iha Maromak nia planu
• Don Bosco no Madre Mazzarello halo esperiensia hanesan karidade apostolika nian
• FMA iha familia salesiana
• Maria, Inan no mestra Institutu nian
• Ita nia vokasaun iha kreda
• Evanjeliza foinsa’e sira hodi eduka sira no
• Estilu Sistema Preventivu

Loron ikus formasaun nian taka ho lectio Divina ne’ebé foti husi evanjellu Jo, 15, 16. Haroman ho Jesus nia lia fuan ida ne’e, FMA sira hakbiit sira nia konsiensia katak sira nia vokasaun mai husi inisiativa Divina, ne’e mak don gratuitu. Maromak mak hili, forma no haruka nia.  Hodi hatan ba Maromak nia bolu, ita simu impulsu ida interior nian no liu husi hakbiit ita nia rekursu rasik ne’ebé halo ita hetan kapasidade atu fo fuan wain.

Obrigada barak Ir. Olga Belo FMA, ba tempu, akompañamentu, matenek no esperiensia hotu ne’ebé tulun ona ami iha loron hirak ne’e.

(Josefa-Olviana-Cherly-Libanha FMA)