Laga – Atividade Kuis Madre mazzarello nian hodi prepara ba aniversario 150 prezensa FMA(Salesiana) iha mundo. Hamutuk ho Foinsae sira, komunidade FMA, Beata Laura Vicuña Laga realiza iha loron ohin Domingo, depois de partisipa missa iha Paroquia, mais ou menus tuku 10:45 oras Timor-Leste, foinsae barak nadodon ba Salaun Don Bosco Tomagua, inklui hirak nebe preparado ona atu tuir competisaun, ho objetivu ida, atu haklean Madre mazzarello ninia moris no liuliu foinsae sira bele foti netik virtude diak ruma, Madre mazzarello nian nebe sai nudar bukae ba sira nia moris iha loron ohin no aban bairua nian. Foinsae sira nebe prontu atu tuir kuis mai husi, eskola sira iha Area Laga nian, hanesan: EBCCDB Laga(primaria), EBCCMA Buiguira(primaria), EBCF Tequinomata(primaria), EBCF Soba Laga(primaria), EBCCDB(pre-Secundaria), EBCF Soba(pre-Secundaria), ESSJB Laga(Secundaria), ESG Tequinomata(Secundaria). Juri ba competisaun nee mak : Senhor Professor Nazario, Senhor Professor Natalino, Senhor Professor Armindo, Senhor Professor Martinho no Senhora Professora Juliana. Competisaun nee hahu ho Orasaun badak nebe diriji husi Madre Ligia Sarmento FMA (diretora), remata orasaun hahu nian, tama kedas ba introdusaun nebe hato’o direita husi Madre Ligia Sarmento.

Madre diretora afirma liu tan katak konkursu ne’e ho objetivu prinsipal nudar preparasaun ba aniversario tinan 150 prezensa FMA iha mundo. Partisipantes sira konkursu nian,sente kontente tebes ho oportunidade furak nee, hodi hatan ba perguntas sira ho fervor. Hare’e nain/penontong sira, hakilar, haklalak hodi basa liman ba sira nebe hatan loos hodi fo suporta no fo koragem ba hirak nebe tuir konkursu ne’e.

Manan nain iha competisaun ne’e: ENTRE 2⁰ CICLO,(1⁰ lugar husi eskola EBCCDB Tomagua, 2⁰ lugar husi eskola EBCC Buiguira, 3⁰ lugar husi eskola EBCF Tequinomata no 4⁰ lugar EBCF Soba Laga) ENTRE 3⁰ CICLO, (1⁰ lugar husi eskola EBCF Soba Laga, 2⁰ lugar husi eskola EBCCDB Tomagua, 3⁰ lugar husi eskola EBCF Soba Laga no 4⁰ lugar husi eskola EBCCDB Tomagua) ENTRE SECUNDARIO (1⁰ lugar ESSJB Tomagua, 2⁰ lugar husi eskola ESSJB Tomagua, 3⁰ lugar husi eskola ESG Tequinomata no 4⁰ lugar husi eskola ESG Tequinomata) Depois de Juri fo sa’i resultado Kuis nian, manan nain iha kompetisaun refere, simu kedas presente nebe ekipa prepara ona. Foinsae sira neebe partisipa ba kuis sente orgulho ho sira ida-idak nia kapasidade nebe bele lori sira to’o sai manan nain iha kompetisaun kona ba madre mazzarello ninia moris. Konkursu ne’e remata ho liafuan agradesementu husi Madre Ligia Sarmento(diretora), iha ninia liafuan nia hateten: Hodi komunidade nia naran hau agradese ba imi hotu nia prezensa no kolaborasaun, ba Juri sira, ba imi hotu ne’ebe haka’as -an hodi estuda no haklean ona Madre Mazzarello nia moris, hein katak imi bele foti virtude diak ruma husi madre mazzarello nia moris. Dala ida tan obrigada barak ba imi nia prezensa no kolaborasaun.

Sr. Agostinha Magno FMA