Atividade kompetisaun ba aniversáriu 150 fundasaun IFMA

Dili – Animadores, Oratorio, meninas colegio, postulantes no foinsa’e sira husi Centro Treinamentu Computer e secretaria Balide partisipa iha aktividades 150anos hahú kedas iha fulan Junho ho kompetisaun TikTok entre joven sira husi kursus, menina colegio no oratoriano sira. Hafoin ami kontinua kedas ho Quiz Madre Mazzarello ne’ebé ho grupu barak tebes nune’e fahe ba semana 3 nia laran iha kada Domingo atu bele compete malu hodi hetan I,II no terceiro lugar. No ohin Domingo 3-Jullu mak loron ikus ka final ba kuiz ida ne’e, sira hotu ne’ebé hetan primeiro lugar mak halo kompetisaun fali. Partisipante sira ba kuiz ne’e haksolok tebes tanba bele partisipa ona iha kuiz Madre Mazzarello, maski la manan maibé liuhusi kuiz ne’e halo sira bele koñese di’ak liutan Madre Mazzarello no oinsá hahú fundasaun kongregasaun FMA. Centru Juvenil Balide mak Centru ne’ebé labarik no foinsa’e sira barak liu la mai husi ambiente Salesiana, nune’e sira entusiasmu atu koñese ita nia espiritualidade no ita nia misaun.

Iha tempu hanesan, labarik ki’ik sira ho tinan 6-8 sira mós ho ksolok tebes hodi tuir kompetisaun tau kores (mewarnai) ba dezeñu Madre Mazzarello, sira haksolok tanba sir abele partisipa ba eventu boot ne’e. Irmán sira ho animador/a sira serbisu hamutuk ho ksolok atu lori aktividade ne’e ba oin hamutuk. Maski sei iha aktividade balun ne’ebé ladauk realiza, maibé ami hotu sai optimista atu hala’o ho di’ak no iha espiritu kolaborasaun ne’ebé di’ak entre ami hodi bele selebra tinan 150anos fundasaun Institutu nian ho di’ak. Maski sei iha hela aktividades lubuk ida atu realiza.

(kom.Balide)