Venilale – Ohin loron 2 Jullu Irmán sira kontinua halo atividade ba tinan 150 nian. Iha dader Ir. Carolina, Ir. Marta, ho estudante ETV na’in 4 Lidania, Ingracia, Sancha no Cesaltina husi Asosiasaun Madre Mazzarello no Laudato Si, fó formasaun konaba Madre Mazzarello nia moris ba estudante na’in 250 ho nia mestre/a na’in 4 iha eskola Ensinu Báziku Filial Uai – Laco. Estudante sira haksolok tebes tanba bele koñese no hatene Madre Mazzarello nia moris.

Hafoin iha loraik tuku 2:30, iha komunidade Madre Mazzarello, realiza sertame ba nivel sekundária sira iha Venilale; Sekundária Jerál Jaime Camacho Venilale, SGC Dom Bosco Venilale no ETV Mazzarello. Ikus mai hetan klasifikasaun dahuluk mak Eskola Sekundária Jerál Jaime Camacho. Klasifikasaun daruak ETV Mazzarello no datoluk mak SGC Don Bosco.

(Alive Filipe FMA)