Vizita husi Padre Adolfo Sarmento SDB, misionáriu iha Moçambique (27 Juñu 2022)

Venilale – Ohin, 25 Juñu dadeer tuku tuku 10.30 ami kandidata (pre aspirante no aspirante) siraa kontente tebes tanba simu vizita husi padre Adolfo SDB Missionario. Simu tiha padre ho knananuk benvinda nian padre hahú kedas fo seminar mai ami. Seminar ne’e ho nia tema “ Vem e segue-Me” Mt 9,19-22. Aspetu importante ne’ebé haklean iha seminar ne’e mak:

• Signifikadu kona ba tema ne’e (Vem e segue-Me) iha dalan formasaun nian mak fo tempu ne’ebe naruk atu haklean tuir etapa ida-idak formasaun nian tanba iha tempu naruk ne’e mak hansan oprtunidade atu hili saida mak Maromak hakarak ba ema ida-idak. Tanba hilin ne’ebé diak halo ema haksolok iha nia dalan vokasaun nian.
•  Kondisaun atu tuir Jezús mak “ Deixar tudo” husik buat hotu; Iha forsa 2 ne’ebé sai obstakulu atu tuir Jezus no halo ita la iha kapasidade atu lao normal iha ita nia vokasaun: 1.Ita mak la iha kapasidade atu husik buat hotu no tuir Jezus; hau nia rikusoin, familia halo ita la iha liberdade 2. Ita mak husik ita nia-an atu buat hotu toma konta mai ita; hau tur iha ne’e isin mak iha ne’e maibe hanoin iha fatin seluk, nunka husik ita nia an atu Maromak mak ukun maibe husik ita nian an iha ema seluk nia liman.

Hanesan Amu-Papa Francisco dehan : sasan mundu nian hanesan magnet ida ne’ebé ita hakbesik nia sei dada ita no halo metin ita iha nia, nune’e presiza hadook an nafatin husi rikusoin mundo nian

Presiza konekta nafatin ho Kristu liu husi Orasaun, Meditasaun no Sakramentu sira Eukaristia no Konfesa ne’ebé halo ita nafatin ho Kristu no iha Kristu .Tanba wainhira ita liga nafatin ho Maromak ita nia moris espirituál mos sai buras no halo ema haksolok.

Molok atu remata konferensia ami kandidata sira mos aproveita momentu ne’e husu ba padre atu fahe padre nia esperiensia Misionaria nian iha rai misaun. Padre dehan : Atu sai Misionaria presiza husik buat hotu atu tuir Jezus hanesan apóstolu sira no sai haraik an nafatin tanba atu haklaken Jezus iha rai seluk ho kultura ne’ebé la hanesan presiza haraik an atu aprende hafoin fo buat ne’ebé ita aprende.

Nu’udar Kandidata ami agradese wa’in ba padre nia vizita ne’ebé badak maibe nakonu ho domin no ksolok Missionaria nian ne’ebé tulun no enkoraja tebes ami atu hatan ho aten brani Jezus nia konvite mai ami ida-idak no hamanas Vokasaun ba Misaun Ad Gentes nian.

Kandidata sira (Pre-aspirante no Aspirante sira