Laga – Ohin Loron,  dader mais ou menus tuku 10, komunidade Beata Laura Vicunha Laga hala’o kompetisaun ba dansa 150 aniversario prezensa FMA nian iha mundo. Kompetisaun dansa ne’e, prepara rasik husi Labarik sira kada grupu assosiasaun refere. Nune’e grupu preparado hamutuk 6. Kompetisaun ne’e hahu ho orasaun badak nebe dirigi husi Ir. Ligia Sarmento(Diretora). Regra simples ida mak,aksi grupu rasik mak tenke inventa, labele kopia Ida nebe asli. Labarik hotu haksolok iha grupu refere tamba ne’e sira aprezenta ho laran kontenti. Grupu sira nebe tuir Kompetisaun ne’e mak:

• Anjo da Guarda
• Infansia Missionaria
• Don Bosco
• Maria Mazzarello
• Auxilium
• Laura Vicunha

Juri ba Kompetisaun ne’e sente orgulho tebes ho labarik sira nia kapasidade ka talenta atu inventa dansa Ida ho aksi foun. Aprezentasaun la’o ho diak tebes, no manan nain iha Kompetisaun ne’e mak Grupu Auxilium. Depois de Remata hasai foto hamutuk nudar rekordasaun no fahe malu.

Agostinha Magno FMA