Kapítulu Jerál online – Ezersísiu Espirituál

Mornese – Hakle’an fiar iha Jezús Kristu hodi tau abut kle’an iha Nia (kf Col 2,7) mak sentru reflesaun ne’ebé arsebispu Thomas propoin ba irmán kapitulár sira, iha loron daruak Ezersísiu Espiritual nian, ohin.

Atu halo “Acto de fé” intensu: “Ha’u fiar iha Jezús Kristu”, Mons. Thomas aprezenta  dezafiu ne’ebé sekularizmu lori, ninia kauza no ninia efeitu sira no oinsá ita tenke hateke ba sekularizmu ne’e.

Sekularizmu mak trend ida profeta sira Israel nian hahú bainhira sira ko’alia kontra relijiaun mamuk, bainhira símbolu esternu sai importante liufalu ninia signifikadu espirituál, norma esterna sira hetan énfaze boot liufali valór sira ne’ebé norma sira-ne’e esprime. Profeta sira la rejeita relijiaun no ninia observánsia sira. Profeta sira insiste mak obrigasaun sosiál ne’ebé sira-nia relijiaun hanorin hanesan atensaun ba ema kiak sira, justisa ba ema fraku, importante liu tradisaun sira ne’ebé simboliza sira-nia fidelidade ba Maromak. “Buat ne’ebé  profeta sira  rejeita – Mons . Thomas hateten – mak superstisaun, relijiaun superfisiál, ipokrizia, legalizmu iha amlulik sira no ko’alia oin-rua tipu fariseu nian”.

Mons. Thomas konvida  atu haree sekularizmu nu’udar belun ida, tanba nia fo kontribuisaun válidu ba sosiedade bainhira nia moris tuir valór sira nia haklaken hanesan dignidade umana, onestidade, atensaun ba ema seluk, demokrasia, igualdade, nst., ne’ebé nia abut mak valór judeu-sarani sira. Problema mak bainhira kultura ida enfatiza demais “sekularidade”, tanba lori redusionizmu, Individualizmu, narsizizmu; buka nafatin konfortu; kultu isin nian, infidelidade, violénsia, fiksasaun iha moris foin-sa’e, saúde, atrasaun seksuál,;la iha atensaun ba ema kiak no natudeza; superifisiál.

Husi parte ida relijiozu sira konsidera sekulrizmu nu’udar inimigu tanba nia hatudu an anti-kreda, maibé portavós sekularizmu nian mós akuza Kreda la moris tuir ninia ideál sira. Parte rua hotu, tuir Mons, Thomas “hatudu an nu’udar umanu”, umanu liu. Tanba ne’e, ita keta kontra ho matan delek sekularizmu tanba ita bele hafunu Maromak, hanesan Gamaliel haktuir iha Apóstulu sira nia Hahalok (kf 5,39).

Maibé se kultura sekulár buka “foti Maromak nia fatin, promove atitude relativista, individualista, legaliza irresponsabilidade seksuál, rejeita valór família nian, hatama abortu, eutanazia, pornografia,  abuzu droga nian divertimentu vulgár, ita labele identifika an ho nia:, Mons, Thomas resalta.

Ita haree katak progresu iha siénsia fízika iha sékulu XX no progresu iha siénsia biolójika iha sékulu XXI ohin nian sadik kultura no tradisaun morál no relijioza sira. Ita haree katak área sira mundu nian ho dezenvolvimentu ekonómiku, deskobre sira-nia an fiar-laek ba beibiek. Iha kontestu ida “Dúvida Mundiál Fiar nian”,arsebispu Thomas hateten, “mak ita halo ‘Acto de Fé’ no hateten ho : ‘Ita mak Kristu, Maromak moris nia Oan-Mane’  (Mt 16,17). Tanba difikuldade ida-ne’e mak ita haksolok iha Ezplozaun Fiar nian”. Nune’e, ba vida relijioza, oresiza habot kapasidade atu fiar no halo sai vizivel fiar rasik hodi fó sasin ho moris, perspetiva oioin kona-ba oinsá moris valór sira kona-ba ema, ne;ebé sosiedade ne;ebé lahó relijiaun mós luta… no ida-ne’e knaar ida difisil!

Mons. Thomas hatutan: “Tebes duni maravilla ida katak Na’i hili ema inkompetente ida iha aspetu oioin, atu sai intérprete Mensajen ne’e nian; maibé marabilla sai boot liután atu hili ita atu sai sasin Ninia Domin nian iha atividade misionária. Basá ‘Maromak hadomi tebes mundu to’o haruka nia Oan-Mane mesak’(Jo 3,16). Trajédia boot kristianizmu nian mak intérprete kompetente boot sira Ninia mensajen nian (misionáriu/a sira, edukadór/a sira) la sai sain auténtiku Ninia Domin nian iha realidade moris nian (belun iha ternura no afetu). Ida-ne’e mak Papa Francisco hamenu mai ita kontinuamente. Posivel katak distánsia entre ideál sarani sira no modu prátiku atu moris ideál sira-ne’e nia distánsia sai boot liu ideál sira no moris agnóstiku sira-nian ne’ebé tebes duni haka’as an ba umanidade nia di’ak? Tebes duni bainhir amudnu la merese ninia domin mak Maromak haruka mai ita Ninia Oan-Mane (Rm 5,6). Ho liafuan seluk, bainhira ira sei hakdasak iha violénsia, iha korrupsaun salan nian, atu dehan, sekularizadu, mak Maromak hatudu ninia domin, atu ita bele hadomi malu. Prezente domin boot ne’e husi Maromak nia parte mak Liafoun Di’ak nakonu ho surpreza ba ema iha mundu ne’ebé terus”.