Laga -Ohin, !0 Juñu 2022, loron sesta Feira lokraik mais ou menus tuku 1:45, orfanato Beata Laura Vicuña Laga, hetan vizita espesial husi Ministerio do Turismo Senhor Jose Lucas do Carmo da Silva, nebe akompana husi Inspector Geral Senhor Domingos da Costa Guterres, no Presidente do Municipio Baucau Senhor Olivio Freitas, hamutuk ho Ekipa Ministerio refere. Labarik sira haksolok ho sira nia prezensa, hodi espressa sira nia Bemvindo ho dansa kultura.

Vizita nee bele dehan katak vizita karidade, tamba planu nee inisiativa husi Ministerio refere, nebe bolu ho lian seluk “Asaun karidade”.Labarik sira haksolok no agradese tebes ba providensia iha loron ohin. Sua Ex. Ministro Turismo,Comercio e Industria Senhor Jose Lucas do Carmo da Silva, hato’o mensajen furak ba labarik sira, iha ninia lia menon nia hateten: Hau haksolok tebes atu hasoru imi iha lokraik ida nee. Hau hein katak imi kontente hodi hala’o prossesu aprendizajen iha fatin nee, iha nebe fasilidade sustentavel ba imi nia estudo. Imi tenke aproveita didi’ak oportunidade nee, hodi hakaas-an estuda makaas liu tan atu bele sai ema susesu iha aban bairua ho objetivu ida deit, katak Serbi Nasaun Timor – Leste. Ikus liu labarik sira ba vizita espesial nee, ho knananuk ida ho titulu “Agradese ba laran luak “, hafoin hananu tiha musika agradese nian, labarik sira hamutuk ho bainaka espesial sira hasai foto hamutuk. Depois de hasai foto nudar rekordasaun, visitor sira remata sira nia vizita iha fatin refere.

Agostinha Magno FMA