Autokrítika hanesan buat ruma negativu, maibé loloos buat ruma ne’ebé importante se ema hakarak sai di’ak liu tan.

Autokrítika bele sai negativu bainhira ema haree nia salan de’it, nia kbiit-laek nian hahalok no buka buat ne’ebé negativu iha nia hahalok. Bainhira hanesan ida-ne’e ema bele hetan ansiedade, no labele tulun nia ba oin. Dala ruma hanesan sentimentu la di’ak, emosaun la di’ak ne’ebé hapara ema no halo ema la bá oin.

Se ema la halo autokrítika, ema labele bá oin no bele halo nia relasaun ho ema ladún di’ak. Ema ne’ebé la halo autokrítika la simu nia hahalok sala nian no halo ema seluk mak responsavél ba nia sala sira.

Ema tenke iha autokrítika iha aspetu hotu iha ema nia moris. Iha aspetu laboral, hanesan ema  ne’ebé dirije halo autokrítika ba nia hahalok hanesan ema ne’ebé dirije. Nia bele hatene nia hahalok di’ak ka sala.

Ida-ne’e hanesan abilidade ne’ebé ita tenke halo di’ak liután no iha influénsia husi aspetu própriu husi ema ida-idak. Ita bele haree aspetu ruma ne’ebé importante.

Kapasidade analítika:

Hatene nia-an rasik no hatene buat ne’ebé halo di’ak ka sala. Analiza situsaun, hahalok, hanoin ba halo autokrítika.

Atitude pozitiva

Ida-ne’e mak atitude ba ita-nia hahalok  ho atitude pozitiva atu simu ita-nia sala. Se ema simu sala ho atitude negativa, ida-ne’e halo ema senti kulpa, moe, susar, maibé se simu ho modu pozitivu, la ta’uk atu haree sala ne’ebé nia halo no haree sala ne’ebé nia halo oportunidade ba halo di’ak liután.

Loke ba diálogu

Autokrítika mak babukak (procura) ne’ebé ema halo ba an rasik, maibé ema mós halo krítika mai ita. Loke ba diálogu mak atitude pozitiva no bele fó tulun ba ema hodi haree nia an rasik ho hanoin la hanesan.