Laga – Ohin 04- Juñu- 2022. Ami Irman perpetuande grupu BERO 25 anos iha vida relijioza nian no mos Madre Cecilia ne’ebe halo 50 anos iha vida religiosa, ami iha enkontru daruak ho madre Provinsial Madre Alma Castagna, iha komunidade Laga. Iha inkontru ida ne’e madre fo reflesaun bazeia ba pasajen husi livro Profeta Isaias kapitulu 61: 18-19 kona ba misaun profeta nian no haforsa liu tan husi Cardinal Martini ninia reflesaun ba relijioza sira nia fidelidade. Madre hahu inkontru ne’e ho orasaun, hafoin tuir mai madre fo reflesaun ho tópiku tolu mak hanesan tuir mai ne’e: “ Maromak nia domin iha kbi’it atu hari’i, Moris relijioza nia misaun kosmika no Agradese ba Maromak nia prezente sira. Iha reflesaun ne’e madre fo perguntas tolu ba ami atu reflete ba oras ida hafoin ba fahe iha grupu baseia ba topiku tolu ne’ebe subliña iha leten. Perguntas mak hanesan tuir mai ne’e:

1. lista ka indika kona ba prezente ne’ebe Maromak fo mai ami iha tinan 25 anos no 50 nia laran.
2. Oinsa ami dezenvolve prezente ne’ebe Maromak fo mai ami durante tinan hirak ne’e nia laran?
3. Oinsa ba komunidade nia tulun ka akompaña iha ami nia dalan konsagrada nian iha tinan hirak ne’e nia laran?
4. Oinsa ami nia sentidu gratidaun nian ba grasa ne’ebé ami simu durante tinan hirak ne’e nia laran.

Depois de reflete ami ba fahe iha grupu no kontinua depoisde Eukaristia. Madre remata ami nia sharing ho mensajen: husu nafatin grasa atitude simplisidade, iha fulan rua ne’e nia laran entrega liu tan imi nia moris, no kalan-kalan reza Ave Maria Ida ba Imi nia grupu to’o imi selebra imi nia aniversario. Molok ami fahe malu madre husu buat ruma pratika nian ba ami nia selebrasaun depois merenda no fahe malu.

Ir. Virgilia Gaio FMA