Baucau – Vizita hahú loron 26 Maiu no iha loron 29-5-2022 ami komunidade St.Tereza d’Avila Baucau hamutuk ho oratorianu balun, animador, inan-aman no antiga aluna balun hasa’e hahi no agradese ba Maromak tan di’ak hotu ne’ebé ami simu durante loron hirak ne’e nu’udar grasa Maromak nian ne’ebé haraik mai ami liu husi madre Alma nia Vizita. Hanesan iha homilia pe. Agnelo sdb, haktuir katak asensaun mak momentu despedida nian katak apostolu sira mós despedida ho Jesus atu Nia bele ba no haruka fali ksolok nain mai mak Espiritu Santu. No espiritu Santu ne’e rasik mak inspira fundador sira atu harii kongregasaun ho karizma no estilu ida mak “amorevolleza”. Hafoin kontinua ho kada grupu kumprimenta madre liu husi dansa hodi espresa sai sira nia ksolok no domin ba madre. No ikus mensajen husi madre katak badinas ba oratorio, husi fatin ne’e mak ita bele haree Jesus hanesan apostolu sira, no taka ho merenda hamutuk nu’udar maun-alin iha familia Salesiana. Ho eventu rua ne’ebé selebra hamutuk festa asensaun Na’i nian no agradesementu ba madre sai momentu atu hetan grasa no bensa hodi kontinua hala’o kna’ar ho estilu sinodal no amorevolleza tan domin ba salvasaun klamar sira nian.

Onesiana da Costa FMA