Dili – Iha loron 20-21/05/2022, Juniora sira sira huai Inspetoria TIN halo enkontru formativu nivel inspetoriál ho Madre Alma Castagna FMA. Iha enkontru ida ne’e ami hakle’an kona-ba karakterístika “Amorevolezza” nian nu’udar estilu moris nian.

Enkontru dahuluk hahú ho orasaun hamutuk ne’ebé prepara husi Me. Alma, fó pergunta kona-ba saida mak Amorevolezza, no haree video badak kona-ba Jezús nia atitude hasoru labarik sira hodi konfronta ho eventu sira iha Don Bosco no Madre Mazzarello nia moris no konfronta mós ho Konstituisaun FMA husi artigu 66 ne’ebé dehan: iha estilu Sistema Preventivu nian. Ita-nia serbisu apostóliku Sistema Preventivu Don Bosco nia liman rohan ba Familia Saleziana ne’ebé la bele soe ho komponente fundamentál sira “Razaun, Relijiaun no Amorevolezza”, inspira projetu edukativu ida ne’ebé hatán didi’ak ba evanjelizasaun nia ezijénsia sira iha mundu juveníl. Nune’e mós Asisténsia Saleziana: la iha asisténsia Saleziana se la iha amorevolezza (kf konst 67).

Amorevolezza la’ós buat ruma ne’ebé fasil maibé la’ós mós impossivel se ita halo dalan. Ezemplu: hanesan ita nia Fundadór/a sira hatudu mai ita, sira nia haka’as-an atu halo dalan; nune’e husu mai ita tansá ita labele halo dalan?

Iha esperiénsia sira ita buka assme ho dezisaun no responsabilidade prosesu sira  interiorizasaun no integrasaun, iha liafuan sira no jestu simples loron-loron “Amorevolezza” nian, haraik-an, gratidaun no gratuidade nian ne’ebé sobu lójika nian, egoizmu nian, violénsia nian, esplorasaun nian, hodi favorese enkontru no halo moris buras.

(Juniora sira husi Inspetoria FMA TIN)