Kapítulu jerál online

Roma – Iha loron 8 Setembru, irmán kapitulár sira halo esperiénsia enkontru ofisiál  ho momentu ida koñesimentu nian, iha klima fraternidade no festa nian.

Iha parte dadeer, iha salaun teatru nian, Madre Yvonne fó bemvinda ba ema hotu hodi refere ba Evanjellu Natividade Maria nian, husi Liturjia loron nian, hodi dehann: «Maria nia  fó hanoin mai ita uma dahuluk iha-ne’ebé nia moris bá. Uma loroloron nian iha-ne’ebé nia asimila fiar iha Maromak, kuda interioridade, aprende konvive, hala’o ospitalidade. Uma iha ne’ebé nia sai ba liur atu realiza Maromak nia planu hodi entrega an ba ema kastu ida nia domin.

Ita mós, hodi husik rai ita-nia misaun baibain nian, simu bolun atu moris ézodu ne’e. Buat ne’ebé moris husi ita mós sei sai obra Espíritu Santu nian, maski ita-nia limite sira, ita-nia frakeza sira, ita-nia salan sira.

Hamutuk, durante fulan hirak ne’e, ita sei forma komunidade ida ho oin mundu nian. Komunidade ne’e sei sai fatin ita-nia moris nian. Ita la tau ketak tiha ita-nia moris loos nian, maibé ita husik atu nia hetan roman husi fini Liafuan nian no husi ita ida-idak nia kolaborasaun fekunda, komunidade ne’e sei sai fatin autentisidade ita-nia an nu’udar FMA».

Depoizde momentu insiál ne’e, Konselleira ruma aprezenta liuhusi aprezentasaun lais ida, motivu sira tanba sá mak halibur malu. Tuirmai, aprezentasaun haksolok no ho kriatividade irmán kapitulár sira-nian fahe tuir Konferénsia interinspetoriál, hamutuk sanulu-resin-rua. Iha parte ikus, irmán Konselleira jerál sira mós aprezenta an no fó mensajen liuhusi knananuk haksolok no moris ida.

Iha parte loraik nian, irmán hotu halibur iha salaun kapitulár iha-ne’ebé Reguladora Kapítulu nian, Ir. Chiara Cazzuola, entrega materiál no fó informasaun util ruma ne’ebé orienta inísiu períodu kapitulár. Hafoin, irmán sira ba dala uluk bá iha Komisaun servisu nian, tuir naran hakerek ona iha lista, no sira sei hola parte durante Kapítulu tomak. Momentu ne’e sai okaziaun atu koñese malu hodi prepara “uma” ne’ebé sira hakarak harii no nia fundamentu mak realidade pesoál, inspetoriál no Institutu nian ne’ebé ida-idak lori iha nia an rasik. Enkontru ne’e fahe ba momentu tolu prosesu koñesimentu nian iha ne’ebé irmán ida-idak fahe liman-rohan ninia istória pesoál rasik, karakterístika sira Inspetoria rasik nian, espetativa no mehi sira liga ho Kapítulu.

Loron remata ho selebrasaun Eukarístika no ho perspetiva viajen nian ne’ebé aban sei lori kapitulár sira ba Mornese.

Koñesimentu resíproku ne’e prepara irmán ida-idak atu moris esperiénsia komunitária kle’an, nakonu ho entuziazmu no novidade,  mai husi see tilun ba Maromak nia Liafuan ne’ebé riku ho esperansa.