Dili – Iha vésperas selebrasaun Loron “Restaurasaun Independénsia nian”, 19 Maiu 2022, ami iha Komunidade São José, Noviciado Komoro hamutuk ho Irmán Juniora sira ne’ebé mai atu halo enkontru Juniores, hatudu ami nia sensu patriotizmu nian hodi Selebra Loron Kmanek Restaurasaun Independénsia nian hodi hanoin maluk sira ne’ebé sakrifika sira moris ba rai ida-ne’e. Ami selebra loron ne’e hodi aprezenta ba malu ksolok Independénsia nian ho múzika, drama kona-ba istória Timor nian no dansa tradisionál.

Hanesan tradisuan saleziana, depoizde animasuan hotu iha “buona notte”.  Madre Alma, provinsiál mao fó mai ami no ita hotu.

Madre. Alma dehan: “Iha imi-nia aprezentasaun sira, imi hananu Timor hau hadomi ó, la to’o iha ne’e de’it. Imi tenke prontu atu serví labarik no foin-sa’e sira ne’ebé aban bainrua sei sai sidadaun di’ak no membru ne’ebé sei halo sakrifísiu ba rai ida ne’e. Se la.. momentu ida-ne’e furak no ha’u agradese tanba imi halo buat barak no jeitu. Maibé se laiha moris loron-loron hodi sakrifika-an ba imi-nia rai, ba imi-nia povu, furak maibé mamuk. Ha’u hanoin ohin, agora iha-ne’e no iha Tasi Tolu, sei hala’o serimónia to’o kalan bo’ot, maibé ita ho ita-nia ksolok sira hanesan ne’e, maibé ho ita-nia orasaun. Aban Misa, ita tau intensaun ba ra ida-ne’e. Ita husu ba Maromak atu ita la haksolok de’it iha momentu ida-ne’e maibé oinsá ho Maromak nia tulun, ukun-na’in sira bele rezolve problema barak iha rai ida-ne’e. Momentu ne’e mós di’ak mai ita atu uza ita-nia ain-tur iha Maromak nia Oin atu reza ba rai ida-ne’e. Obrigada no Boa noite”.

Obrigada wain Madre ba liafuan murak ne’ebé fo hanoin mai ami atu hadomi Timor hodi halo sakrifísiu no orasaun, atu Timor bele sai di’ak liután ho ami nia kontribuisaun, maski kiik de’it.

(Noemia de Deus FMA)