Roma – Lisa Gamble (husi Inglaterra, maibé rezidente iha Suisa) doutora sirurjia nian durante tinan 8, mai dala uluk iha Timor-Leste, iha tinan 2010 atu halo esperiénsia volontariadu iha orfanatu Venilale. Iha Venilale, nia disponivel atu halo serbisu naran de’it… dala ida iha orfanatu traballadór sira atu oho fahi ida. Nia husu atu tulun oho fahi hodi dehan: “Ha’u baibain ko’a ema nia isin, maibé ha’u hanoin ha’u mós bele koko ko’a fahi nia kabun”.

Lisa nia kontaktu ho oan-kiak sira no ho ema-moras sira, nune’e mós irmán sira, halo nia deside atu fó nia Sín ba Maromak nia bolun, ne’ebé loloos kleur ona maka nia sente. Nune’e, maski nia fila ba Itália (Suisa halo parte provínsia FMA ida Itália nian) ba ninia formasaun, nia kontinua kontaktu ho irmán sira iha Timór.

Tinan 2011, n u’udar aspirante nia mai fali Timor-Leste ba fulan ida hodi halo esperiénsia aspirantadu, basá nia fuan monu tiha ona ba Rai Timor-Leste. Iha tempu ida-ne’e nia kontinua buras iha ninia vokasaun saleziana misionária. Durante tmepu ne’e maka ninia mamá no alin mai vizita nia ba loron ruma,tanba se lae karik sira sei la hasoru nia.

 

Hotu tiha ninia esperiénsia postulante nian, molok tama novisiadu, nia fila fali mai Timor fulan kotuk ba semana rua, tempu ne’ebé loloos feriadu molok hahú novisiadu. Loron 7 Agostu 2012 liubá, Lisa tama iha novisiadu internasionál iha Roma, hamutuk ho nia maluk na’in 6 seluk. Nia sente Timor-Leste hanesan nia uma rasik no hola parte ba inspetoria TIN. Nia mehi boot maka bele fila fali mai nu’udar irmán FMA hodi serví Maromak iha foin-sa’e kiak sira.

Tuirmai ne’e ninia email ba irmán sira iha italianu:

«Carissime sorelle, Com state? Vi mando le foto dell 7 agosto quando siamo entrata in noviziato. Io sono a via Appia e sono molto felice. Mi spiace ma non c’è una foto bello di tutti due noviziati insieme, quindi siamo solo quelli di via Appia insieme a Sr Antonella, la maestra. Vi mandero una foto insieme al secondo anno quando c’è lo! Un abbraccio a tutti e tutte, vi penso e prego per voi.

P.S Sul primo foto siamo (da sinistra a destra): Serena Centenario, Lisa Gamble, Yoliana Yakoub, Alice Morello, Elise Rhonè, Rocio Rodriguez, Nicoletta Di Tizio». [Foto iha okos ne’e].