Oratorianu iha periferia Dili nian simu Inspetora nia vizita
Dili – Ohin 15 de Maio 2022 Komunidade B. Eusebia Palomino Comoro-Dili selebra festa Oratóriu hamutuk iha oratóriu Zeferino Namuncura Sentruu E no Oratóriu Maria Auxiliadora Sentruu B, iha festa ne’e mak: ho objetivu atu hafoun fali Espíritu Mornese nian hodi halakan liu tan iha irman idak-idak no animadores sira nia moris.
Ba motivu ida ne’e ami sente Madre nia visita iha Oratóriu mak espesial tebes ba ami tan ne’e Madre nia Prezensa nu’udar Madre Mazzarello nian ne’ebé lori ksolok mai ami, nu’udar inan ne’ebé ho fuan boot komprende no hadomi oan sira nia situasaun.
Ami hatene katak Instituto FMA selebra 1500 esistensia iha mundo no oras ne’e habelar iha Kontinente 5. Ami bele dehan mós katak edukasaun no Evangelizasaun kontinua hafoun liu tan ami nia hilin moris fiar no domin ba misaun. Tanba ne’e iha loron madre nia vizita ida ne’e, realizaiade ho aktividade sira hanesan, dansa kultura hodi simu madre, no kada Sentruu oratóriu idak-idak aprezenta sira nia talentu hanesan dansa kultura, no modernu no mos animadores sira hato’o sira nia espresaun domin ba madre liu husi knanuk Madre Mazzarello nian ho titlu ‘’compaanheira de sonho’’.
Iha biban ne’e, Me mos hato’o liafuan badak mai ami hanesan mai oraatorio ho objetivu ida atu aprende reza, kanta, dansa, halimar, haksolok hamutuk no rona Maromak nia liafuan. Buat hotu ne’e imi aprende tulun imi atu halo saida?
Momentu oratóriu domingu-domingu ne’e hanesan imi hanoin kareta ida, kareta ida atu la’o presiza mina, se imi haluha atu enxe mina entaun kareta para no imi dudu deit kareta ne’e. Agora iha imi nia moris oratóriu ne’e hanesan domingo-dominggo imi maai enxe mina ne’e katak haksolok hamutuk, aprede, rona Jesus nia liafuan, atu halo buat hotu iha semana ne’e nia laran tulun imi, atu la’o hanesan Maromak gosta atu halo buat ne’ebé Nia hein husi imi.
Nune’e oratorianu sira oferese ba madre nu’udar sira nia prezente mak ai-horis nu’udar sira nia simbolu moris esperansa nian iha sira nia moris. Ikus mai ami hamutuk simu merenda husi madre no hasai foto hamutuk nu’udar ami nia gratidaun ba madre iha momentu vizita ida ne’e.
(Sidonia Freitas FMA)
