Ita husu: katak sá “triunfu finál” Maria nia futar Fuan Sala-Laek nian? Husi pontudevista istóriku, ita bele dehan katak Na’i-Feto iha Fátima anunsia katástofre boot sira iha futuru (Funu mundiál daruak, komunizmu ateu nia habelar no, iha ninia konsekuénsia, persegisaun hasoru Kreda ne’ebé hala’o husi sistema ateu sira, no liuliu husi Russia, Amu-Papa nia ‘sofrimentu…) maibé mós ai-moruk ba ne’e (funu nia remata, konsagrasaun umanidade nian, no ho modu partikulár Russia nian ba Futar Fuan Sala-Laek) no ikusmai, sira-nia “konversaun”. Faktu sira ne’ebé korresponde ho Na’i-Feto nia profesia mak tuirmai ne’e:
– Russia nia konsagrasaun ba Maria nia futar Fuan Sala-Laek ne’ebé Papa Pio XII halo iha 1952 no Papa João Paulo II halo iha 1984, hamutuk ho bispu sira mundu nian;
– disolusaun Uniaun Repúblika Sosialista Soviétika sira-nian iha 1991.
Relasiona ho profesia husi Na’i-Feto  kona-ba Russia nia  “konversaun”, mariolojista monfortanu Stefano De Fiores (†2012) argumenta katak mensajen Fátima nia realizasaun bele identifika ho “Russia reál” nia disolusaun (1991), akontese ho Gorbachev nia perestrojka no ho abolisaun lei anti-relijioza sira ne’ebé nia sansiona (1990).¹⁷⁰ Husi parte seluk, ita hatene didi’ak katak faktu sira-ne’e la marka triunfu finál di’ak nian hasoru aat, hanesan ita hatene katak sei dura to’o loron ikus, bainhira Kristu filahikas ho modu definitivu atu finalmente dehan Amén! Atu habadak, bele deskreve Maria nia Fuan Sala-Laek nia “triunfu” nu’udar triunfu:
– Maria Sala-Laek nian;
– Maria Liurai-Feto nia Atan;
– Maria, “ema foun” iha Espíritu;
– Maromak nia domin nian ne’ebé hatudu ho nakonu no naresin iha “Nakonu ho grasa”.

1. Maria Sala-Laek nia triunfu

Tema luta kontra aat prezente maka’as iha mistériu Maria nia Imakulada Konseisaun;¹⁷¹  luta entre Imakulada no Samea mak funu entre domin no ódiu hasoru Maromak; entre obediénsia no dezobediénsia ba Maromak; entre santidade no salan, entre liberdade no moris-atan, entre moris rohan-laek iha rahun-di’ak no iluzaun trájika ne’ebé la nahas. Relasiona ho ne’e, Pio IX afirma tiha ona iha definisaun dogmátika Ineffabilis Deus 1854 nian: «nu’udar Kristu, mediadór entre Maromak ho ema sira, asume tiha natureza umana, nia harahun dekretu kondenasaun nian ne’ebé iha hasoru ita, hodi kesi metin an ba krús; nune’e Santíssima Virjen, ne’ebé kesi ba nia ho ligasaun metin liu no labele kore, hamutuk ho nia no hodi nia, funu-balu rohan-laek samea ho venenu, no sama rahun nia nia ulun ho nia ain sala-laek».¹⁷² Iha Konsíliu Vaticano II mós¹⁷³ no iha majistériu pontifísiu sira tuirmai, hodi hakle’an no klarifika doutrina ekleziál tradisionál, afirma ho modu substansiál katak entre “Santa Tomak” no Buat-Aat iha istória inimizade boot.¹⁷⁴ Iha Maria Imakulada, Tota Pulchra, grasa divina de’it mak nabilan; nia mak kriatura ne’ebé salan nunka halo nia “atraza”.¹⁷⁵ Eventu Imakulada Konseisaun nian hatudu, nu’udar Perrella observa, faktu katak, «apezárde salan, desgrasa boot ba kriatura hotu, labela halakon husi ema tendénsia ba Domin no ba santidade».¹⁷⁶  Kristu Na’i, Bibi-Oan Páskua nian, manán tiha ona salan dala ida ba nafatin; Imakulada mak sinál seguru kona-ba ne’e. Maski nune’e, salan nia  hani sira, hela iha ema nia istória to’o tempu nia rohan. “Porenkuantu”, Maria, Imakulada-Asunta-glorifikada, kontinua atu harohan daet ba Oan Makso’ik, atu sira ne’ebé nia kasu ona sai Maromak oan no fila hikas ba Maromak Trindade, finalidade ikus no ema hotu nia ksolok.

2. Maria nia triunfu, Liurai-Feto no “Na’i nia atan”

Konseitu antigu sira kona-ba Maria nia “realeza”¹⁷⁷ hahú dezenvolve liuliu iha Pio XII nia pontifikadu, tan motivu dogma marianu ikus. Maria nia realeza (ukun) liga metin ho Kristu nia realeza; iha kontestu ne’e, Maria nia futar Fuan Sala-Laek nia “triunfu” hatudu, Kristu-Redentór nia Ukun, salvasaun nia triunfu. Iha “atu konsagrasaun umanidade nian ba Maria nia futar Fuan (1942), Papa Pacelli subliña aspetu eskatolójiku-triunfál ilas Maria-Liurai-Feto nian, hodi invoka Maria nu’udar «Maromak nia funu hotu nia manán-na’in» no husu ninia protesaun atu, nu’udar Kristu nia futar Fuan sai «sinál no promesa vitória no salvasaun Maromak nian», nune’e, Maria nia futar Fuan, husi ne’ebé suli domin no protesaun materna ba ema hotu ne’ebé hetan makso’in, halo atu nia Oan nia Reinu nia triunfu to’o lalais mai. Finalidade ikus konsagrasaun nian atu ema hotu haklaken, hamutuk ho Maria, «Magnificat rohan-laek glória, domin, gratidaun nian ba Jezús nia futar Fuan, ida-ne’ebé mesak de’it ita bele hetan Lia-Loos, Moris no Dame».¹⁷⁸ Iha-ne’e ita labele la mensiona Maria nia figura no papél, Inan no Liurai-Feto, iha kontestu kompleksu liu dame nian. Iha momentu sira sofrimentu no konflitu nian, povu kristaun intui no implora Maria nu’udar Inan no Liurai-Feto dame nian.¹⁷⁹ Iha 13 Maiu 1946, iha kontestu istóriku dame nian ne’ebé mai depoizde funu mundiál daruak, kardeál Benedetto Aloisi Masella, Papa Pio XII nia enviadu, tau koroa ba estátua Na’i-Feto Fátima nian. Iha radiu-mensajen¹⁸⁰ transmite iha loron hanesan, Pio XII subliña Maria nia papél, nu’udar Liurai-Feto tanba grasa divina, no indika nia nu’udar Liurai-Feto dame nian, “subordinadamente” ba Kristu, Maromak Oan no Liurai rohan-laek dame nian.¹⁸¹ Finalmente, nia konfia ba Na’i-Feto Fátima nian la’ós de’it Portugal maibé mós mundu tomak, atu «tulun nia hetan dame no hamriik hikasfali husi ninia ruina sira».¹⁸² Mundu no Russia nia konsagrasaun ba Maria nia futar Fuan Sala-Laek (1952) halo parte mós iha invokasaun ba dame loloos (armonia fraterna, liberdade ne’ebé tenke iha ba hotu …).¹⁸³ Aleinde ne’e, doutrina ekleziál hanorin katak Kristu ninia ukun no, nune’e mós, Inan nian, indika serví. Defaktu, «labele hanoin Maria nia realeza iha analojia ho realidade vida polítika moderna nian»¹⁸⁴ maibé atu serví Reinu lalehan nian ne’ebé Sagrada Eskritura ko’alia, hanesan liturjista monfortiano Corrado Maggioni observa: «Maria nia autoridade sai tasak iha obediénsia ba vokasaun materna rona iha Anunsiasaun (pasajen evanjellu: Lucas 1, 26-38): anúnsiu Na’i Jezús nia Reinu ne’ebé Anju lori, implika mós vokasaun ne’ebé dirije ba “Na’i nia atan” hodi haree ba nia ne’ebé atu sai Inan Liurai-Feto»¹⁸⁵. Hafoin, Pio XII hakle’an aspetu umildade teologál Maria Liurai-Feto nian. Iha diskursu ida iha 1954 nia observa karak iha inísiu knaar realeza Maria ne’ebé simu glória, iha ninia “fiat”, katak atan-feto haraik-an ninia akollimentu ba Maromak nia projetu: «orijen ba Maria nia glória, momentu solene ne’ebé leno ninia an tomak no ninia misaun, mak ida iha ne’ebé, nakonu ho grasa, nia dirije ba Arkanju Gabriel “Fiat”, ne’ebé esprime ninia konsentimentu ba Maromak nia dispozisaun; nune’e Nia sai Maromak nia Inan no Liurai-Feto, no simu knaar realeza nian atu bali unidade no dame umanidade nian»¹⁸⁶. Armonia entre ukun no serví, ne’ebé iha mundu nia mentalidade haree nu’udar kontra-malu, bele hetan de’it iha mistériu inkarnasaun redentora Maromak nia Liafuan nian.

3. Triunfu “ema foun” nian iha Espíritu

Pio XII, iha ‘atu’ konsagrasaun Russia nian ba Maria nia futar Fuan Sala-Laek (1952), enkuantu aprezenta Maria nia fuan nu’udar íkone virtude no fortaleza Maromak nia Inan nian, husu ba sarani sira atu banati tuir nia atu ho, «Maromak nia grasa nia apoiu», sira bele «supera ho vitória hahalok aat hotu no salan sira».¹⁸⁷ Maria nia triunfu hatudu ninia relasaun singulár ho Espíritu Santu. Maria, nakonu ho grasa no Feto ne’ebé Na’i salva, simu glória iha Lalehan mak – fuan dahuluk “moris foun iha Kristu” moris nakonu;¹⁸⁸ – realizasaun kompleta “ema foun” nian ne’ebé Espíritu mak fó forma.¹⁸⁹  Maria nia fafurak loloos mak mai husi Maromak ne’ebé hakonu nia ho fatuk-murak divinu sira, katak, grasa singulár liu husi Maromak (kf. Is 61,10).¹⁹⁰ Defaktu, Feto-raan Nazaré nian mak, nu’udar ‘Lumen gentium’ hanorin, «hetan forma no sai kriatura foun husi Espíritu Santu»¹⁹¹, iha-ne’ebé nia sai dixípula dahuluk Kristu nian, modelu baze no orijen ema foun nian.¹⁹² Ho liafuan seluk, kriatura Maria, kriatura nakonu ho grasa (Lc 1,28: kecharitoméne),¹⁹³ ne’ebé Kristu salva ho modu radikál no Espíritu Santu horik ho modu estavel iha nia, partisipa tomak iha Kristu, Adaun foun, nia vitória hasoru salan no Aat.¹⁹⁴ Iha nia, «tensaun sira entre isin-klamar, mane-feto no indivíduu-komunidade hetan espresaun husi sira nia potensialidade tomak tuir unidade ne’ebé la harahun, maibé habiit ida ninia elementu hotu».¹⁹⁵ Nune’e, Santa Maria sai, «modelu virtude sira “fuan foun” ema sira aliansa foun nian».¹⁹⁶  “Maria nia futar Fuan Sala-Laek nia triunfu” signifika no komporta mós Maria nia an nia triunfu, iida ne’ebé dahuluk no ida-ne’ebé hetan redensaun nakonu, iha sinerjia ho Espíritu Santu, hateten ninia ‘fiar’ ezistensiál¹⁹⁷ no «hodi hakohak ho fuan tomak lahó obstákulu husi salan ruma Maromak nia vontade salvasaun nian, nia oferese an totalmente hanesan Na’i nia atan ba nia Oan no nia Oan nia obra, hodi tau an iha servisu mistériu redensaun nian iha Nia okos no ho Nia, ho grasa husi Maromak Kbiit-Na’in»¹⁹⁸; no oras-ne’e, «foti sa’e tiha ba glória lalehan ho nia isin no nia klamar»¹⁹⁹, kontinua atu dehan ninia fiat ba Trindade no ba ninia ‘amen’ ba istória, ema no kosmo nia redensaun no salvasaun.²⁰⁰ Ne’e mak Virjen Maria nia Fuan Sala-Laek nia triunfu ne’ebé, «husi Maromak, nia to’o ba unidade interiór perfeita no tanba ne’e “nia haree Maromak”»²⁰¹ (kf. Mt. 5,8). João Paulo II, hodi saran mundu ba Inan ema no nasaun hotu nian, invoka nune’e: «Oh, Fuan Sala-Laek! Tulun ami atu manán aat nia ameasa sira, ne’ebé fasilmente tau abut iha ema ohin nia fuan no iha-ne’e iha ninia efeitu sura-laek marka moris prezente no parese taka dalan sira ba futuru! […] Tulun ami hodi Espíritu Santu nia kbiit atu manán salan hotu: ema nia salan no “mundu nia salan”, salan iha ninia manifestasaun hotu».²⁰² Maria sai, eh di’ak liu foti nu’udar sinál moris nia vitória hasoru mate,²⁰³ katak esperansa segura no konsolasaun nian; íkone glorfikasaun futura ba ita-nia isin mortál sira.²⁰⁴

4. Triunfu Maromak nia domin nian

Maria nia triunfu, “kriatura foun”, tenke mós koloka ho modu loloos iha dalan sira ne’ebé labele halakon Maromak nia domin nia vitória makso’in nian. Metáfora vitória nian, iha sentidu bíbliku, indika esensialmente «triunfu domin santu, justu no kriativu Maromak nian hasoru forsa destruidora aat nian»:²⁰⁵ ne’e mak Jezús Kristu rasik, “Maromak nia domin ne’ebé inkarna an”²⁰⁶. Tanba ne’e iha Domin ne’ebé gratuitu no forte tebes Maromak moris nian de’it, manifesta iha Mate iha Krús no iha Moris-Hi’as, mak triunfu sai konkretu no hela metin, vitória definitiva; Kristu mak Domin ne’ebé envolve no nakfilak ho modu radikál Maria Nazaré nia moris, Na’i nia atan no liurai-feto lalehan no rai nian. Bento XVI, hodi dedika ninia ensíklika dahuluk ba tema domin nian, esplika nia razaun nune’e: «Ohin loron liafuan “domin” sai tuan, hodi konsuma no abuza liafuan ne’e to’o kuaze ta’uk atu husik nia suli sai husi ibun. Maski nune’e domin mak liafuan primordiál, espresaun realidade primordiál; ita labele simplesmente abandona liafuan ne’e, maibé ita tenke foti fali nia no tau fali nia iha ninia glória orijinál, atu nia bele leno ita-nia moris sira no lori ba dalan loos. Konxiénsia ida-ne’e mak lori ha’u atu hili domin nu’udar tema ba ha’u-nia Ensíklika dahuluk […]. Ha’u-nia hakaran tau iha evidénsia sentralidade fiar iha Maromak – iha Maromak ne’ebé asume oin no fuan ema nian. Fiar la’ós teoria ida ne’ebé bele halo sai an rasik nian ka tau sees. Fiar mak buat ruma konkretu liu: fiar mak kritériu ne’ebé deside ita-nia estilu moris nian. Iha époka ida iha-ne’ebé ostilidade no kaan-teen sai super-poténsia, iha époka ida iha-ne’ebé ita asiste abuzu relijiaun nian to’o foti ódiu nu’udar maromak, rasionalidade neutra de’it la iha kbiit atu proteje ita. Ita presiza Maromak moris, ne’ebé hadomi ita to’o mate».²⁰⁷ Loos, liuliu umanidade ita-nia tempu nian presiza domin konkretu Kristu moris-hi’as nian ne’ebé la halakon, maibé lori nafatin iha nia an krús nia kanek sira, kanek sira ne’ebé salan no domin-laek hamosu. Ida-ne’ebé hedi iha krús no moris-hi’as nia kanek sira mak sinál ne’ebé labele halakon kona-ba partilla domin nian no sofrimentu nian ne’ebé Maromak-ho-ita marka iha ninia isin místiku, atu fó hanoin mai ita katak nia Kreda no ninia dixípulu sira mós tenke moris domin agápiku no tenke partisipa iha ema nia sofrimentu sira. Bento XVI, iha mensajen Páskua nian iha Abríl 2007,²⁰⁸ fó hanoin ba mundu katak tenke hateke ba Kristu ho esperansa, ne’ebé asume kanek sira husi umanidade ne’ebé hetan kanek.²⁰⁹ Defaktu, «liuhusi Kristu moris hi’as nia kanek sira de’it mak ita bele haree buat aat sira ne’ebé hasusar umanidade ho matan esperansa nian»²¹⁰ (cf. 1Pt 2,24). No, iha kontinuidade ho ninia ensíklika dahuluk, nia afirma: «Na’i la hasai sofrimentu no aat husi mundu, maibé Nia manán husi hun ho nia Grasa ne’ebé naresin. Hasoru arrogánsia Aat nian nia opoin nia Domin nia kbiit. Nia husik hela mai ita nu’udar dalan ba dame no ba ksolok Domin ne’ebé la ta’uk mate. “Nu’udar ha’u hadomi imi – Nia dehan ba Apósotlu sira molok mate – nune’e mós mak imi hadomi malu” (Gv 13,34)».²¹¹ Maromak nia domin ne’ebé la troka ba nia oan-mane no feto sira triunfa nafatin, maski aat maka’as tebes! Virjen Sala-Laek, ne’ebé Maromak hadomi tebes tanba Kristu mak sai sasin. Tama iha komuñaun santu sira nian, nia harohan no serbisu nafatin nu’udar inan besik ba Maromak nia tronu, atu ita-nia istória la’o-rai sira-nian, ne’ebé dalabarak aat hanehan no hafoer, bele remata iha ksolok no fafurak Komuñaun Trinitária nian. Nu’udar dixípula-mestra di’ak nia Oan nian, nia dudu nia Oan niaeskolante sira atu loke an, iha konversaun, iha orasaun, iha peniténsia, iha tatuir martíriu nian, ba Espíritu santidade nian, atu loron ida bele to’o ba enkontru definitivu instória no ema sira-nia ho Aman.

Luca Maria Ritsuko

NOTE
170 Sulla prospettiva politica delle apparizioni di Fatima: cf. ibidem, pp. 697-698. 702-707.
171 Cf. Gn 3,15; ORDINE DEI FRATI SERVI DI SANTA MARIA, Chiamati ad essere santi e immacolati nell’amore. Lettera del Priore Generale fra Ángel M. Ruiz Garnica nella ricorrenza del CL anniversario della definizione del dogma dell’Immacolata, n. 4, in Marianum 66 (2004), pp. 727-728.
172 PIO IX, Lett. apost. Bolla dogmatica Ineffabilis Deus (8.12.1854), in EE 2/750; cf. A. SERRA, Immacolata e Alleanza. Verso una verifica dei fondamenti biblici del dogma di Pio IX, in AA. VV., Il dogma dell’Immacolata Concezione di Maria. Problemi attuali e tentativo di ricomprensione, [cur. E. M. TONIOLO], Marianum, Roma 2004, pp. 226-234; sull’orizzonte agonico dell’Ineffabilis Deus, cf. M. G. MASCIARELLI, Sviluppo sulla dottrina dell’Immacolata Concezione di Maria nel magistero: dal 1854 al nostro tempo, ibidem, pp. 67-71.
173 Il Concilio Vaticano II nella sua esposizione mariana riprende la dottrina ecclesiale tradizionale (cf. Lumen gentium 55).
174 A tal riguardo osserva la studiosa Cini Tassinari nella sua tesi di laurea, il Concilio ritiene che «i misteri dell’Immacolata Concezione e dell’Assunzione realizzano pienamente la vittoria sul peccato e sulla morte, costituendo il contenuto teologico della vittoria sul serpente profeticamente adombrata nel protovangelo» (A. CINI TASSINARI, Il diavolo secondo l’insegnamento recente della Chiesa, Pontificio Ateneo Antonianum, Roma 1984, p. 89; veda pure le pp. 73-94); cf. S. M. PERRELLA, Maria di Nazareth, icona e testimone del Mistero, in Miles Immaculatae 36 (2000) pp. 468-470.
175 Cf. G. COLZANI, Maria. Mistero di grazia e di fede, San Paolo, Cinisello Balsamo 20002, pp. 224-227.
176 S. M. PERRELLA, L’Immacolata icona dell’essere cristiano. Il contribuito degli scritti di s. Massimiliano M. Kolbe, in AA. VV., Massimiliano M. Kolbe nel suo tempo e oggi. Approccio interdisciplinare alla personalità e agli scritti, [cur. E. GALIGNANO], Centro Internazionale M. I., Roma 2003, p. 355; cf. G. COLZANI, Maria. Mistero di grazia e di fede, cit, pp. 227-229.
177 Cf. AA. VV., Maria icona viva della Chiesa futura, [curr. C. CARVELLO-S. DE FIORES], Monfortane, Roma 1998; la voce “Regina” negli aspetti biblico (A. Serra), teologico (S. de Fiores) e liturgico (D. Sartor), in NDM, pp. 1070-1086; W. ZAMBERLAN, Maria “Regina” nel mistero di Cristo e della Chiesa. La tradizione patristica, Istituto di Liturgia Pastorale S. Giustina, Padova 2000 (tesi di laurea, n. 24). Il popolo cristiano attribuisce a Maria il titolo di “Regina” già a partire dal secolo IV-V, quasi nello stesso periodo in cui il Concilio di Efeso (431) la riconosce e la proclama “Madre di Dio”. Il titolo ed altri appellativi regali, già presenti nell’esperienza liturgica e devozionale dell’Oriente, «entrano progressi-vamente nell’uso del popolo di Dio fino a diventare espressione sia del culto liturgico (“Salve Regina”, “Regina caeli”, “Ave Regina caelorum” …, sia della pietà popolare (“litanie lauretane”, il 5° mistero glorioso del rosario…), sia dell’iconografia. In tal modo, l’attribuzione del titolo di regina alla Madre del Signore divenne comune e pacifico all’interno della Chiesa» (D. SARTOR, Regina, in NDM, pp. 1070-1071).
178 Acta Apostolicae Sedis 34 (1942) p. 325.
179 Per uno sguardo sulla presenza di Maria nel concetto della pace: cf. R. OKA, Maria Signora Santa e Immacolata nella redenzione integrale dell’uomo nell’oggi della Chiesa e del mondo. Il “carisma” religioso nelle Costituzioni delle Suore Francescane della Milizia dell’Immacolata per un servizio alla persona portatrice di handicap, Pontificia Facoltà Teologica “Marianum”, Roma, Anno Accademico 2004-2005 (Tesi di dottorato – policopiata – in teologia con specializzazione in mariologia), pp. 288-360; specialmente pp. 339-360.
180 PIO XII, Radiomessaggio per l’incoronazione della Madonna di Fàtima (13.5.1946), in Acta Apostolicae Sedis 38 (1946) pp. 264-267.
181 Cf. ibidem, p. 266.
182 Ibidem, p. 267.
183 Cf. PIO XII, Lett. apost. Sacro vergente anno (7.7.1952), in EE 6/2009-2010.
184 PIO XII, Allocuzione per l’incoronazione dell’immagine di Maria «Salus Populi Romani» (1.11.1954), in Acta Apostolicae Sedis 46 (1954) pp. 662-663.
185 C. MAGGIONI, Benedetto il frutto del tuo grembo…, cit., p. 176; cf. A. SERRA, Maria serva del Signore e della nuova alleanza, San Paolo, Cinisello Balsamo 2010.
186 PIO XII, Allocuzione per l’incoronazione dell’immagine di Maria «Salus Populi Romani» (1954), in Acta Apostolicae Sedis 46 (1954) p. 663.
187 IDEM, Lett. apost. Sacro vergente anno (1952), in EE 6/2010.
188 Cf. A. M. TRIACCA, La vita nuova in Cristo: pienezza di vita, in AA. VV., La vita e Maria «Madre della Vita», [cur. E. M. TONIOLO], Centro di cultura Mariana «Madre della Chiesa», Roma 1994, pp. 74-88.
189 Cf. A. VALENTINI, L’orizzonte plenario della vita nella Bibbia, in AA. VV., La vita e Maria «Madre della Vita», cit., pp. 61-63; E. BIANCHI, Lo Spirito Santo nella vita cristiana, in Parola Spirito e Vita 38 (1998) pp. 305-330.
190 «Io gioisco pienamente nel Signore, la mia anima esulta nel mio Dio, perché mi ha rivestito delle vesti di salvezza, come uno sposo che si cinge il diadema e come una sposa che si adorna di gioielli» (Is 61,10).
191 Lumen gentium, n. 56.
192 Cristo è «l’uomo nuovo, non solo è l’archetipo dell’uomo eletto da Dio ma lo impersona mostrando, nella sua vita e nella sua morte, la radicalità del volere divino, che esige nell’uomo una totale adesione al suo progetto» (E. MALNATI, Antropologia teologica, Piemme, Casale Monferrato 2002, p. 260); cf. F. RUIZ, Le vie dello Spirito. Sintesi di teologia spirituale, EDB, Bologna 1999, pp. 143-167.
193 Cf. Catechismo della Chiesa Cattolica 721-726, 2676; Redemptoris Mater 7-11. Il termine greco kecharitoméne non dice semplicemente “piena di grazia”, bensì “resa piena di grazia” oppure “colmata di grazia”, cioè trasformata dalla grazia di Dio, che è una grazia perfetta e duratura che indica pienezza: cf. I. DE LA POTTERIE, L’annuncio a Maria (Lc 1,26-38), in Parola Spirito e Vita 6 (1982) pp. 55-73, IDEM, Maria, «piena di grazia» (RM 7-11), in Marianum 40 (1988) pp. 113-132; E. DELLA CORTE, Κεχαριτωμέυη (Lc 1,28). Crux interpretum, in Marianum 52 (1990) pp. 101-148; M. CIMOSA, Il senso del titolo ΚΕΧΑΡΙΤΩΜΕΝΗ, in Theotokos 4 (1996) n. 2, pp. 589-597. Il Della Corte, facendo in confronto Ef 1,6 e Lc 1,28, osserva: «in Paolo… troviamo l’aoristo indicativo attivo, mentre in Luca c’è il perfetto partecipo passivo. Maria cioè è già stata trasformata dalla grazia al momento dell’annuncio, mentre la Chiesa, sposa di Cristo, sarà (in futuro) santa e immacolata» (E. DELLA CORTE, Κεχαριτωμέυη…, cit., p. 135). Inoltre, il verbo utilizzato da Luca (χαριτόω) è causativo che indica un vero cambiamento, una trasformazione operata dalla “charis” di Dio cui effetti permangono stabilmente. L’esegesi de la Potterie così suona: «Maria è già stata trasformata dalla “grazia di Dio”, nel senso che la pienezza della grazia l’ha liberata dal peccato, quindi l’ha purificata, santificata, in preparazione all’evento dell’Incarnazione. Dunque Maria era stata trasformata dalla grazia, non solo per diventare la madre del Messia, ma per diventarlo rimanendo vergine…” (I. DE LA POTTERIE, L’annuncio a Maria…, cit., p. 64).
194 Infatti, le conseguenze del rapporto del cristiano con lo Spirito di Cristo sono, per l’aspetto positivo, la partecipazione alla filiazione divina di Gesù e, per l’aspetto negativo, la partecipazione alla sua vittoria sul peccato (cf. F. G. BRMBILLA, Antropologia teologica, Queriniana, Brescia 2005, pp. 452-474: «L’incorporazione a Cristo mediante l’azione con-formante dello Spirito»). In Gesù Cristo, l’umanità, sottomessa al peccato nei discendenti del primo Adamo, «è diventata perfettamente sottomessa a Dio ed a lui unita e, nello stesso tempo, piena di misericordia verso gli uomini. Si ha così una nuova umanità, che in Gesù Cristo, mediante la sofferenza della croce è ritornata all’amore, tradito da Adamo col peccato» (Dominum et vivificantem 40; cf. Eb 5, 7-10).
195 A. SCOLA-G. MARENGO-S. PRADES LÓPEZ, La persona umana. Antropo-logia teologica, Jaca Book, Milano 2006, p. 325.
196 CONGREGAZIONE PER IL CULTO DIVINO E LA DISCIPLINA DEI SACRAMENTI, Decreto. Virgo immaculata (1996), in EV 15/1; cf. S. DE FIORES, Spirito Santo, in IDEM, Maria. Nuovissimo Dizionario, vol. 2, EDB, Bologna 2006, pp. 1448-1500.
197 Infatti, osserva il card. Ratzinger, nel cuore di Maria, «il “fiat” – “sia fatta la tua volontà” – divenne il centro informante di tutta quanta l’esistenza» (J. RATZINGER, Commento teologico, in EV 19/1012).
198 Lumen gentium, n. 56.
199 cf. Lumen gentium, n. 59.
200 Giovanni Paolo II, nella lettera encilica Redemptoris Mater osserva: «come “piena di grazia”… [Maria] è stata eternamente presente nel mistero di Cristo, mediante la fede ne divenne partecipe in tutta l’estensione del suo itinerario terreno…, ed al tempo stesso, in modo discreto ma diretto ed efficace, rendeva presente agli uomini il mistero di Cristo. E ancora continua a farlo. E mediante il mistero di Cristo anch’ella è presente tra gli uomini» (n. 19). Infatti, scriveva il cardinale Ratzinger: «Maria non risiede solo nel passato né solo nell’alto dei cieli, nell’intimità di Dio: ella è e rimane presente e attiva nell’attuale momento storico; ella è qui e oggi persona agente» (J. RATZINGER, Maria Chiesa nascente, San Paolo, Cinisello Balsamo 1998, p. 37). 201 J. RATZINGER, Commento teologico, in EV 19/1012.
202 GIOVANNI PAOLO II, Atto di affidamento a Maria nella Giornata Giubilare delle Famiglie (25.3.1984), in Insegnamenti di Giovanni Paolo II, vol. 7/1, pp. 776-777.
203 Cf. IDEM, Messaggio nell’incontro con gli ammalati nella Basilica vaticana al termine della concelebrazione eucaristica in occasione della Giornata Mondiale del Malato (11.2.2004) 3, in Insegnamenti di Giovanni Paolo II, vol. 27/1, p. 181.
204 Cf. C. ROCCHETTA, Pasqua: trionfo della vita dalla morte alla gloria, in AA. VV., La vita e Maria «Madre della Vita», cit., pp. 180-183.
205 Le immagini bibliche. Dizionari San Paolo, cit., p. 1517.
206 Cf. Deus caritas est, nn. 12-15.
207 BENEDETTO XVI, Discorso ai partecipanti del Congresso organizzato dal Pontificio Consiglio «Cor umum» (23.1.2006), in Acta Apostolicae Sedis 98 (2006) p. 131.
208 IDEM, Messaggio Urbi et Orbi (Pasqua: 8.4.2007), in L’Osservatore Romano (10-11 aprile 2007) pp. 8-9.
209 «Quelle piaghe, che per Tommaso erano dapprima un ostacolo alla fede, perché segni dell’apparente fallimento di Gesù; quelle stesse piaghe sono diventate, nell’incontro con il Risorto, prove di un amore vittorioso. Queste piaghe che Cristo ha contratto per amore nostro ci aiutano a capire chi è Dio e a ripetere anche noi: “Mio Signore e mio Dio”. Solo un Dio che ci ama fino a prendere su di sé le nostre ferite e il nostro dolore, soprattutto quello innocente, è degno di fede» (ibidem, p. 9).
210 Ibidem, p. 9.