Baucau, 14-5-2022 komunidade St. Teresa d’Avila fo formasaun ida ba komunidade edukativu no Irmán sira iha komunidade, hodi haklean Amu Papa nia Ensíklika “LAUDATO SI” kona ba hadomi no tau-matan ba ita nia uma komun. Formasaun ne’e preside husi Ir. Sanzinha FMA, hateten katak nu’udar komunidade edukativa ne’ebé hola parte iha komunidade ida ne’e no serbisu hamutuk ho ami Irmán sira, bele realiza mós atividade ida kona ba Amu Papa nia preukupasaun ba uma komun.

Hanesan Amu Papa dehan ita presiza sai ema autovalutasaun laudato si, hakribi sala ba hahalok hasoru ekolojia no aksaun plata forma, katak oinsa ha’u respeita, taumatan no kuidadu natureza liu husi kuda aihoris, labele soe foer arbiru, labele uza plástiku no seluk tan. Iha konversaun Ekolojia nian presiza muda diresaun no iha responsabilidade atu kuidadu uma komun. Husi formasaun ida ne’e tulun mós ema idaidak atu konxiente no aprende forma an hodi fo kontribuisaun ba nesesidade uma komun  ka  rai nia hakilar. No hamutuk hodi foti disizaun ba aksaun konkretu nu’udar atividade komunidade nian hodi realiza iha misaun ba tinan ida ne’e.

Ir. Onesiana