Dili – Husi loron 4 to’o 9 Abríl 2022, Provinsiál Ir Alma Castagna FMA, halo vizita ba komunidade S. José, Dili. Ho ksolok boot komunidade simu provinsiál Ir Alma Castagna, FMA iha komunidade. Provinsiál nia vizita iha komunidade atu promove komuñaun iha espíritu família nian, fidelidade ba Konstituisaun FMA no haburas vitalidade obra nian.

Komunidade haksolok tanba ho Provinsiál nia vizita sei tulun atu hafoun filafali bolun ba identidade karizmátika iha preparasaun ba selebrasaun tinan 150 Fundasaun Institutu FMA nian, hametin hilin sira, haburas liután relasaun ho Maromak, haforsa badinas, entuziazmu dedikasaun iha knaar sira. Ho Ir Alma nia  prezensa iha leet sei hakonu no hamoris domin ba Jezús, ne’ebé espresa liuhusi servisu no tau-matan ba komunidade no Novisa sira.

Loron ikus Inspetora, Ir Alma halo vizita iha komunidade Saun José-Novisiadu sai loron agradesimentu: “Ho fuan nakonu ho gratidaun ami hakarak dehan “Obrigada Barak” tanba hela ona ho ami durante loron hirak ne’e. Madre nia prezensa lori mai ami ksolok, domin no esperansa ne’ebé Madre hatudu liu husi rona ami ida-idak, haree ami nia moris no fó mai ami liafuan korajen, konsolasaun no korresaun balu ba buat ruma ne’ebé seidauk la’o di’ak”.
(Redasaun fmatin)