ATO  CONSAGRAÇÃO

BA MARIA NIA FUTAR FUAN SALA LAEK

iha Celebração Penitencial

(Basílica  de São Pedro, 25 de março  de 2022)

 

«Ó Maria, Maromak nia Inan no ami nia Inan, ami hasa’e ba Itaboot iha horas susar ida nee. Itaboot mak ami nia Inan, ita hatene ami no conhece ami: buat hotu nebe iha ami fuan, buat ida la subar ba itaboot. Inan laran Luak, dala barak ami koko ita domin providente, ita nia presença nebe lori fila fali paz, tan sempre   guia ami ba Jesus,  Príncipe  paz  nian.

Maibe ami lakon dalan  paz nian.  Ami haluha tiha susar sira tempo uluk nian,  sacrifício nebe ema rihun rihun mate iha tempo funu mundial nian.  Ami haluhan tiha  compromissos nebe ami foti hanesanComunidade sira Nações oi-oin no ami  atraiçoa fali mehi sira paz ba povos sira no esperanças  ba jovens sira.  Ami moras hela iha foti an sira, ami taka an iha interesses  nação nian,  ami sai malirin iha indiferença  no sai  paralisado ho   egoísmo.   Ami haluha tiha Maromak, ami moris hela ho ami nia bosok sira,  ami haboot ami nia  agressividade, halakon moris no acumula kilak sira, ami haluha tiha katak ami mak sai guarda ba ami nia maluk sira no ami uma rasik comum. Ami estraga ho funu jardim rai nian, ami hakanek ho sala ami nia Aman nia fuan, nebe hakarak ami atu sai maun alin no bin feton. Ami sai indiferente ba ema hotu no ba buat hotu, menos ba ami rasik. Ho moe ami dehan : perdoa ami, Nai!

Iha ami nia miséria  sala nian,  ba ami nia kolen no  fragilidades,  iha mistério aat nian no iha funu, Itaboot Inan Santa, hanoin ami nebe Nai Maromak la abandona,  maibe  continua hateke mai ami ho domin, hakarak atu perduan no foti fali ami. Nia mak fo mai ami no tau iha Itaboot nia Futar Fuan sala laek  refúgio ba nia Igreja no ba  humanidade. Tan Maaromak nia Laran Luak, ita hela ho ami no lori ami ho domin maski iha tempo susar história nian.

Neduni mak ami mai hasouru Itaboot,  mai baku Itaboot nia Futar Fuan nia odamatan, ami Ita oan doben sira nebe la kole mai visita Itaboot iha tempo hotu Ita convida ba conversão.  Iha oras nakukun ida ne’e, mai soi ami no consola ami.  Repete ba ami ida-idak:  «Hau sei laiha nee,  hau be o nia inan?»  Ita Boot hatene oin sa mak sei sobu fukun fukun sira iha ami nia fuan no kore, kesi metin sira, iha ami nia tempo nian. Ami tau fali ami nia confiança iha Itaboot. Ami fiar metin katak Itaboot, liu liu iha  momento prova ida nee,  sei la husik ami nia harohan sira  no sei mai soi ami.

Nune’e mak Ita halo iha Caná  Galileia, bainhira ita halo   intervenção ba Jesus  no lori Nia atu hatudu ba mundo nia   primeiro sinal. Bainhira festa atu muda ba tristeza, Ita dehan ba Nia: «Sira tua la iha!»  (Jo 2, 3). Ó Inan, repete fali ida nee dala ida tan ba Maromak,  tan ohin ami relata ona tua esperança nian,  lakon daudaun ona ksolok, naben ona fraternidade.  Lakon ona   humanidade, hanehan ona  paz. Ami forte no berani atu halo  violência no halo destruição. Ami precisa lalais no urgente Itaboot nia intervenção materna.

        Tan nee, simu netik ba, ó Inan, ami nia harohan ida nee:
Itaboot, fitun tasi nian, la bele husik ami mou’ut iha tempestade funu nian;
Itaboot, arca aliança foun nian, inspira projetos no dalan reconciliação nian;
Itaboot , «rai iha lalehan», lori fali mai mundo concórdia Maromak nia;
Apaga ódio, acalma vingança, hanourin perdão;
Liberta ami husi funu, preserva mundo husi ameaça nuclear;
Liurai Feto Rosário nian, hafanun iha ami laran, necessidade atu harohan no hadomi;
Rainha família humana nian, hatudu ba povos hotu hotu dalan ba fraternidade;
Rainha da paz, haraik paz ba mundo.

 Itaboot nia tanis, O Inan santa, comova ami nia fuan to’os sira. Matan ben nebe suli mai ami, haburas fali rai nebe ami nia ódio halo maran. Maski kilat tarutu sira la para,  atu ita nia oração prepara ami ba paz. Itaboot nia liman inan nian hamaus sira nebe terus no halai husi todan bombas sira nian.  Itaboot nia hakuak inan nian, consola sira hotu nebe obrigados atu husik sira nia uman no sira nia rain. Atu itaboot nia futar fuan terus nain, lori ami ba compaixão no berani atu loke odamatan hodi tau matan  ba   humanidade   kanek no fahe malu.

Maromak Inan Santa,  wainhira Ita hamriik iha cruz hun, Jesus, hare ba  escolante hamutuk ho Ita, Nia dehan:  «Ida ne’e mak ó nia Inan!»   (Jo 19, 26). Nune’e, Ita entrega ami ida-idak. Tuir mai dehan ba Nia escolante, ba ami ida-idak:  «Ida ne’e mak Ó nia Inan!» (19, 27). Inan doben, oras ne’e, ami hakarak simu Ita iha ami nia moris no ami nia  história. Oras ida ne’e, humanidade tomak kolen no preocupada, iha cruz hun hamutuk ho Ita.   No sente  necessidade atu confia an ba Ita, no hakarak consagra an ba Cristo hosi Ita Nia intermédio. Povo ucraniano no povo russo, nebe hahi Itaboot ho domin, husu ba Itaboot, tan Ita Nia fuan tuku ba sira no ba povo tomak nebe mate tan funu, hamlaha, injustiça  no miséria.

Tan ne’e Maromak NIa Inan no ami Nia Inan,  solenemente ami   confia no consagra ami an rasik tomak ba Itaboot Nia Futar Fuan sala laek, hamutuk ho Igreja no  humanidade tomak, liu-liu povo Rússia  no Ucrânia. Simu ba, ami nia  ato nebe ami realiza ho confiança no domin, halo atu funu bele hotu,  providencia Ita Nia paz ba  mundo.  Sim nebe sai hosi Ita NIa fuan loke odamatan história nian ba  Liurai Paz nian; ami saran dala ida tan, hosi Ita Futar Fuan atu paz bele to’o lalais. Ba Itaboot ami consagra família humana tomak nia futuro, sira nia necessidades no povo sira nia hamrook, susar no esperança mundo nian.

Hosi Itaboot Nia intermédio, atu hasuli ba rai, Maromak Nia Laran Luak no atu paz ninia midar bele marca fila fali ami nia jornada sira. Feto  sim nian,  ida nebe Espírito Santo tun ba nia,  lori fila fali ba ami leet  Maromak Nia hakmatek.  Hamate hamrook ami na fuan nian,  Ita nebe «nudar we matan moris  esperança nian». Ita nebe halo Jesus sai Ema, halo ami sai sai ema comunhão nian. Ita nebe lao iha ami nia Estrada sira, guia ami ba dalan paz nian. Amen».