Yamanaka (Japaun) – Konferénsia Inspetoriál Ázia Orientál (CIAO) no Rejiaun Pasífiku Tasi-mane nian (South Pacific Region) husi loron 18to’o loron 22 Agostu halibur malu iha Yamanaka, Japaun ba eventu semináriu kona-ba  “Akompañamentu tuir estilu salezianu”. Irmán sira hamutuk 46. Irman 5 husi SPR (South Pacific Region) no seluk hotu mai husi CIAO.

 

Irmán ne’ebé gia no ko’alia ba irmán sira mak ir Piera Cavaglià, Sekretária jerál FMA nian. Loron dahuluk semináriu nian dedika ba tema “Maromak akompaña ninia Povu”.Tuir ir Piera, “iha Maromak nia oin mak ita deskobre ita-nia oin no ita-nia misaun”. Nia mós hateten “estilu saleziani akompañamentu nian, ne’ebé soi nia abut iha karidade pastorál, maka hadomi ida hodi la so’i/posui, serví ida hodi la domina. Nune’e maka sei halo sai atuál no prezente ohin-loron, estilu akompañamentu Jezús nian ne’ebé maus no haraik-an iha fuan”.

 

Kona-ba oráriu, dadeer hotu dedika ba ir Piera nia konferénsia no loraik sira dedika ba serbsiu iha grupu no remata nafatin iha asembleia no taka ho orasaun vésperas hamutuk.

Partisipante husi provínsia TIN maka ir Paola, ir Sebastiana no ir Esmeralda. Ita hein atu semináriu ne’e bele fó fuan la’ós de’it ba sira na’in tolu maibé ba provínsia tomak.