Serimónia graduasaun kursu sekretariadu

Dili – Ohin loron 11/3/22, ho ksolok boot ohin hamutuk ho estudante finalista Kursu Sekretriadu Komputador Balide. Ho grasa Maromak nian, maske iha difikuldade barak ne’ebé estudante sira no formador/a sira hasoru tan situasaun pandemia, estudante hamutuk nain 48, maibé ikus mai estudante nain 37 mak konsege remata duni sira nia estajiu no graduasaun.

Iha omiliaAmu Cesar Magno, Padre dehan: maun alin sira ohin ita hasa’e agradese ba Maromak tan grasa ne’ebé Nia hakonu ona iha ita hodi bele hetan susesu, la’os tanba ita mak susesu, maibé uluk nanain tanba Maromak ne’ebé susesu. Susesu la signifika katak laiha difikuldade, liu husi difikuldade mak halo ita sai susesu liutan. Tan ne’e ita iha razaun rua atu agradese : primeiru agradese tan Maromak laran di’ak no segundu ita agradese tan ita hetan susesu la’os ba ita nia-an, maybe ba sosiedade ne’ebé imi sei servi.

Iha Madre Alma nia diskursu ba foisa’e sira ne’e, Me. hodi kontinua motiva no enkoraja foinsa’e sira atu kontinua la’o ba oin, difikuldade lubun ida mak imi rasik esperimenta durante tempu hirak ne’e nia laran, difikuldade sei sai barak liutan, maske hasoru difikuldade barak, maibé imi la’o ba oin ho korajen.