Dili – Ohin  loron  10  marsu  2022  iha  uma Novisiadu  São  José Comoro, Dili, ami  novisa ‘primeiro  ano’, Nov. Esmeralda, Nov. Flavia, Nov. Lúcia  no  Nov. Verónica  halo  aprezentasaun  Laboratóriu  kona-ba  “empu  Novisiadu” mak  tempu  Domin  nian  ba Jezùs.

Iha  artigu 77, 78, 79, 80, 90, 92 no 93  buat  hotu-hotu  nia  sentru  mak : JEZÚS  KRISTU!

Artigu  90  ko’alia  kona-ba  Natureza, Objetivu  no  Finalidade  novisiadu  nian.

Natureza novidsiadu nian  mak  períodu  inisiasaun  nian  iha  vida  relijioza;

Objetivu  mak  estuda, hakle’an no assimila  konstituisaun sira  hodi  sai ninian;

No  Finalidade  mak  identidade  FMA  nian  hodi  saran-an   tomak  ba  Maromak ba  foin-sa’e  sira nia  salvasaun.

Ir. Esmeralda: Tempu  Novisiadu  mak  hahú  moris  iha  Institutu, atu  moris  tuir Kristu tuir  Karizma  Don  Bosco  no  Madre  Mazzarello  nian no assimila  konstituisaun  sira  hodi  sai  hau nian  rasik.

Ir. Flavia: Tempu  novisiadu  mak  koñese  kle’an  liután kristu  no  moris tuir  Ninia  liafuan  sira  ne´ebé  ha´u  medita no  reflete iha  ha´u  nia  moris  loroloron.

Ir. Lúcia: Tempu  novisiadu  tulun  ha´u  atu  koñese  no  asimila  tempu  novisiadu nia  objetivu. Husi  ha´u  komprende  katak  ha´u  mai  atu  tuir  Kristu  liuhusi  esperiénsia  no  formasaun  sira  no  sei  hakaas-an  atu  hatudu  iha  prátika.

Ir. Veronica: Tempu  Novisiadu  mak  tempu  domin  nian  ba Jezús, koñese no  hakle’an Ninia  liafuan no  moris  tuir  virtude sira no Jezús mak sai sentru moris  nian  hodi  serví  husi  karizma  Institutu nian.

Ami  agradese  ba  madre  maestra  Me. Esmeralda Soares, FMA  ne´ebé  fó  oportunidade  mai  ami  hodi  aprezenta  esperiénsia  Labóratóriu  furak ne´e, liuhusi  dalan ne´e  mak   atu haboot  liután  ami  nia  domin  ba JEZÚS iha  tempu  Novisiadu  nian. Agradese mós  ba  partisipante sira, madre  Assistente  (Me. Tania)  Ir. Inocencia  no Ir. Novia.

La  haluha mós husu   imi  hotu  nia  orasaun  atu  ami  bele  fiél  nafatin  ba  ami  nia  vokasaun.