Cailaco (Bobonaro) – Hanesan Maria iha Cana ne’ebe ba tuir festa kazamentu nian, kontinua fó moris iha tempu ohin nian, nune’e komunidade ho ksolok boot simu madre Alma, Inspetora FMA TIN, ba nia vizita kanónika durante loron haat nia laran. Nia mai hodi hela, haree, rona esperiénsia oioin ne’ebé komunidade hasoru iha misaun husi Irmán ida-idak nia esperiénsia pesoál no mós komunidade nian.

Iha vizita ne’e Ir Alma mós hasoru grupu oioin ne’ebé komunidade iha no komunidade servisu bá, Oratóriu Sentru 3, ADMA, foin-sa’e sira nebe kursu suku no komputadór, estudante pre-eskolár sira no primária sira ne’ebé Irmán sira hanorin. Vizita mós uma foun ne’ebé harii daudaun hela.

Komunidade agradese tebes ba madre nia prezensa inan nian, nudar tali uniaun nian fo korajen hodi moris ho laran manas ba misaun hodi halo buat hotu ho domin no la’ós ho obriga, no atu hateke ba oin no dook katak Institutu selebra ona tinan 150 fundasaun nian hodi sai metin liután ba abut karizma nian, Sistema Preventivu, no mós atu la’o ho estilu sinodál nian hodi kontinua fó moris.

(FMA Cailaco)