Baucau, 5 de Marsu 2022, iha komunidade salesiana Baucau, realiza enkontro Pastoral konjunta SDB, FMA, ANIMADOR no iha mos SALESIANO COOPERADOR ne’ebe dirije husi pe. Nelson Gonçalves SDB no me. Julia Marçal FMA.

Enkontru hetan partisipasaun husi encaregadu MJS ho representante foinsa’e animadores nian iha komunidade ida-idak ho objetivo atu konese malu, informa no forma-an hamutuk iha akompanamentu juvenil no elabora programa anual ba formasaun kada Zona nian.

Partesipante hamutuk 33 pesoas. Enkontru hahu tuku 9 dader ho orasaun ne’ebe guia husi me. Julia, hafoin iha formasaun kona ba Retor Mor nia streia tinan 2022 nian “halo buat hotu tan domin laos tan forsa” . Iha ne’e Pe. Nelson konvida encaregado/a no joven animador sira atu haburas no lori Maromak nia domin iha obra/ misaun salesiana nian. Hotu tiha iha sharing hamutuk hodi fahe planu no esperiensia oratorio nian ba malu tuir ida-idak nia realidade ne’ebe hasoru iha lokal. Sharring hotu tiha kontinua kedas hodi halo planu anual ba formasaun kada zona nian no forum MJS nasional. Enkontru taka ho almoço hamutuk iha komunidade SDB Baucau, foto hamutuk no fahe malu. Agradese ba komunidade SDB Baucau ne’ebe ho laran luak tulun ami hodi realiza enkontro ho diak.

Agradese ba hotu-notu nia partisipasaun ativa no laran manas fuan oratoriano nian. Obrigada ba ita nia hamutuk ne’ebe hariku malu ho esperiensia furak sira no fo korajen atu servisu hamutuk iha espiritu sinodalidade nian. Obrigada ba ita hotu e boa misaun.

Ir. Olviana FMA