Dili – Iha loron sira 3-4 Marsu 2022, tuir programa inspetoria nian iha enkontru rua ne’ebé Inspetroa konvoka: ida ba diretor ano ekónoma sira no rua ba diretora sira.

Enkontru dahuluk, loron 3 Marsu, mak enkontru konjuntu diretora-ekónoma sira kona-ba Orientasaun kona-ba soin komun ka ”Gestione dei beni comuni”. Parte livru atu estuda mak kapítulu II kona-ba patrimóniu estavel.  Iha enkontur ne’e Ir Alma Castagna no Ir Lanny Ganda fó sai ba Irmán sira kona-ba saida mak ita-nia patrimóniu estavel. No patrimóniu estavel ne’e labele faan, labele aluga, maibé sai patrimóniu Institutu nian.  “Kreda husu ba Kongregasaun atu define liuliu soin imovel sira no labele faan no labele prende se karik Institutu iha tusan. Iha Inspetoria sira la’ós de’it ekónoma, maibé inspetora no ninia konselleira sira tenke define patrimóniu estavel ne’e. Nia sai ‘soin Kreda nian’ no se ita faan kuantidade totál ida ita tenke husu lisensa husu Kreda”. Iha enkontur ne’e mós fó hanoin fali kona- “plataforma kolaboradora ba dadu sira. Plataforma mak meiu ida atu iha vizaun no koñesimentu no komunikasaun kona-ba insitutu no fó informasaun ba sira ne’ebé husu informasaun. Presiza fó dadus ne’ebé loos nian katak labele inventa. Nune’e husu ba Irmán hotu ne’ebé hala’o pastorál atu rejistra dadus destinatáriu sira, mane no feto ne’ebé ita serví, iha ne’ebé de’it ita hala’o misaun, iha ita-nia obra ka obra la’ós ita-nian ne’ebé ita kolabora bá.

Enkontru daruak, loron 4 Marsu, ba  Irmán sira animadora komunidade nian, fasilita husi Ir Jacinta Gusmão kona-ba “Liña-gia sira kona-ba FMA nia prezensa iha rede sosiál”. Enkontru ne’e sei hala’o mós ba grupu junora no grupu Irmán perpétua sira hotu. Irmán hotu simu ona livru ne’ebé orijinál iha italianu no tradús ona ba tetun no lia-indonéziu. Hanesan ba ita-nia Fundadór Don Bosco no ita-nia Fundadora Madre Mazzarello Komunikasaun mak «dalan edukativu ba foin-sa’e sira nia formasaun integrál»: sidadaun onestu no sarani di’ak. Madre Yvonne, (Superiora jerál emérita) hateten katak «Sai prezente iha rede sosiál sira mak resposta ida ba ita-nia vokasaun edukomunikativa…Ita labele haluha katak ita mak edukadora sira no edukadora ba fiar, maklorik mensajen evanjélika no karizmátika sira atu fahe ho ema sira pertense ba kultura lahanesan».