“Ba pergunta fasil ida-ne’e la fasil atu fó resposta pronta no kompleta […]. Resposta ne’ebé parese pronta  – nia mak dixípulu, dahuluk atu hanaran ‘apóstolu’ ho sira na’in sanulu-resin-ida seluk – sai komplikadu ho rekordasaun ilas sira, figura sira, metáfora sira ne’ebé Na’i uza atu halo ita komprende sé mak tenke sai Ninia eleitu Imi observa bá!

Ilas klaru liu mak fatuk, fatuk-boot: Naran Pedro haklaken buat ne’e. No sá loos singifikadu liafuan ne’e nian aplika, ita bele dehan, ba ema simples no sensivel, inkonstante no fraku? Fatuk toos, estavel, dura; hela iha baze edifísiu nia, tahan buat hotu, no edifísiu ne’e naran kreda: «Iha fatuk ne’e nia leten ha’u sei harii ha’u-nia kreda». Maibé iha ilas seluk refere ba Saun Pedro, ne’ebé merese esplikasaun no meditasaun sira. Ilas ne’ebé Jezús Jezús rasik uza, nakonu ho signifikadu kl’ean. Xave sira, porezemplu – katak podér sira –, iha Apóstolu sira hotu nia leet, fó ba Pedro de’it, signifika fakuldade nakonu ne’ebé ezerse la’ós de’it iha rai, maibé mós iha lalehan. No dai, Pedro nia dai,iha eavnjellu soe dala rua ba peska milagroza? «Ha’u sei halo ó peskadór ema nian», Evanjellu Lucas nian (5,10) hateten. Iha-ne’e mós ilas peska nian asume signifikadu boot no majestozu misaun istórika no unversál entrega ba peskadór simples Tasi Genesaré nia! No figura bibi-atan nian? «Bali ha’u-nia bibi-oan sira, bali ha’u-nia bibi-oan sira» (Jo 21,16s), Jezús dehan ba Pedro hanesan atu halo uta hanoin katak planu ita-nia salvasaun nian implika relasaun nesesáriu entre ita ho nia, Bibi-Atan boot liu. No bá oin; maski – se hateke didi’ak ba pájina sira Eskritura nian – ita sei hetan ilas signifikativa sira seluk, hanesan ida osan nian(Mt 17,25) […], hanesan ida Pedro nia roo nian (Lc 5,3), hanesan ho hena hatún husi lalehan (Apóst 10,3), no korrente ne’ebé namkore husi Pedro nia liman (Apóst 12,7), no ida manu-aman nia kokrek atu fó hanoin ba Pedro ninia frajilidade umana (Mc 14,72), no ida futu-kabun ne’ebé loron ida – ida ikus atu signifika Apóstolu nia martíriu – sei kesi iha Pedro nia knotak (Jo 21,18).

Ilas sira hotu, karakterístika linguajen bíblika no evanjélika, haksumik signifikadu boot no presizu. Iha símbolu ni akotuk iha lia-loos ida, realidade ida ne’ebé ita-nia neon nele esplora no bele haree boot nu’udar boot no besik” (S. Paulo VI).