Venilale – Ohin 5 Fevereiru, inan-aman estudante 10 anu no 11 anu Eskola Tékniku Vokasionál Madre Mazzarello Venilale nian halibur hamutuk iha Venilale halo enkontru ho profesora sira. Objetivu husi enkontru ne’e mak aprezenta Manuál eskola nian ba inan-aman estudante relasaun ho disiplina, kurikulum no finanseira, molok hahu anu letivu foun. Nune’e inan-aman estudante bele hatene vizaun no misaun konaba eskola ne’e.

Iha momentu hanesan, Ir. Anita Freitas, diretora eskola nian aprezenta mós professor/a idak idak nia knar iha eskola ne’e .

Inan-aman sira orgullu ho manuál ida ne’e no mós esplikasaun sira husi kada profesora sira. Sira prontu atu kolabora ho eskola hodi hala’o sira nia dever nu’udar inan-aman iha prosesu aprendizajen oan sira nian no hamutuk hodi eduka oan sira sai sarani loos no sidadaun onestu.

(Alice Filipe FMA)