Laga – Ohin loron 25 Janeiru tinan 2022, ksolok tebes mai ami Irmán sira iha komunidade Laga, tan simu vizita badak husi Provinsiál, Ir Alma Castagna, FMA. Objetivu ba vizita ida ne’e mak aprezenta kona-ba planu preparasaun atu selebra festa boot tinan 150 prezensa FMA iha mundu, ho tema “Memória nudar fini futuru nian. Maria la’o iha uma ne’e”.

Hodi Irmán Alma ninia esplikasaun ne’ebé profundu, hafanun fali Irmán sira nia neon no laran atu hateke ba dook, no sai fiél liután ba ahi oan orijen nian ka hun ita nia karizma ninian, liuliu hafoun fali mentalidade atu assimila ho fuan Sistema Preventivu iha misaun iha tempu ohin loron nian. Madre mos subliña makaas kona ba servisu hamutuk atu hakbiit uniaun fraterna iha komunidade no iha misaun, iha ne’ebé la’o ho domin preventivu.

(Cecilia Del Mundo FMA)