Festa liturjia konversaun S. Paulo nian, mosu iha sékulu IV no sai propriu ba Igreja Latina. Martiriu Apóstolu jentiu sira-nian, komemora iha loron 29 Juñu. Selebrasaun ba loron 25 Janeiru iha ninia finalidade mak atu konsidera aspetu oioin konba Apóstolu exelente ne’e. Nia dehan kona-ba nia-an: “ Ha’u serbisu, liu Apóstolu sira seluk…”, maibé mós: “ ha’u kiik liu Apóstolu sira, ha’u la soi atu bolu Apóstolu”.

Nia rasik aprezenta ninia kredensialidade: haree Kristu Moris Hi’as nia hatudu An ba nia, sai sasin ba Kristu nia Moris Hi’as, Kristu haruka nia diretamente, hanesan ida husi Apóstolu na’in 12. Pertense ba Jezús iha oras ne’eba kedas, iha ne’ebé iha dalan ba Damasku, Kristu manan nia no ho hakneak iha rai nia husu:” Na’I ita hakarak ha’u halo sa?” Hafoin Paulo sai ba haklaken no habelar fiar ne’e, ne’ebé nia hakarak halakon.

Ho segundu ruma deit kontatu direita, Jezús nakfilak nia husi persegidór sai Apóstolu boot ho Evanjellu iha tempu tomak.

Esperiénsia ho Kristu ida ne’e iha odamatan Damasku nian, ne’ebé nia kompara ho esperiénsia na’in 12 iha Páskua no ho roman dahuluk kriasaun nian, ne’ebé sei repete iha ninia pregasaun no hakerek sira. Iha ninia epístola 13 ne’ebé nia hakerek, ita komprende katak ne’e efeitu husi grasa iha dalan Damasku nian, ne’ebé susar atu intede ho alusinasaun eh ho hahalok simples psikolójiku. Iha ne’e iha Maromak nia liman fuan, milagre.

Saun Paulo husi ninia esperiénsia fó konkluzaun ne’ebé fó ksolok:” Jezús mai iha mundu ne’e atu salva maksalak sira, entre sira ha’u mak uluk liu. Tan ne’e ha’u hetan mizerikórdia. Iha ha’u espesialmente Jezús Kristu hakarak hatudu Ninia laran luak, atu ha’u sai ezemplu ba sira hotu ne’ebé tan fiar sei hetan moris rohan laek”.

“Ha’u hatene ema ida iha Kristu, iha isin laran ka iha isin nia liur, ha’u lahatene, Maromak mak hatene, foti tiha ba lalehan ba dala tolu. Ha’u hatene de’it katak ema ida ne’e rona buat sira ne’ebé ema labele temi, ema la bele dehan sai…”( 2 Kor 12, 2, 4).