Baucau – Ho festa S. Francisco de Sales nian ohin 24-1-2022, Familia Salesiana iha Baucau halibur hamutuk iha salaun Parokiál Santo Antonio Baucau, hodi simu formasaun kona ba ESTREIA Reitor-Mor Don Ángel Fernándes Artime SDB  nian 2022, tinan ida ne’e: FAZEI TUDO POR AMOR NADA POR FORÇA  husi Pe. Agnelo Moreira, SDB. Iha formasaun ne’e padre haktuir katak Reitor-Mor iha tinan ida ne’e hakarak Familia Salesiana sira atu halo buat hotu ho domin la’os ho forsa, la’os ho métodu maibe ho fuan, hanesan S. Francisco de Sales nia moris katak hili moris fuan nian, halo buat hotu tuir Maromak nia hahalok sira no hala’o moris lor-loron nian ho domin ne’ebe simu husi Maromak no fo fila fali ba Maromak liu husi fonsa’e hirak ne’ebe presiza liu ita nia tulun hanesan; sira ne’ebe abandonadu no marjinalizadu. Sira ne’e mak presiza liu ita nia tulun, nune’e ita nia vokasaun mak akompaña foin-sa’e sira atu ita hotu bele la’o ba dalan santidade maibe ho dalan oi-oin tuir ida-idak nia vokasaun. Hafoin kontinua ho Eukaristia Santa, Solenidade S. Francisco de Sales nian no iha homilia padre Agnelo haktuir katak buka atu sai sabor ba moris hanesan masin tanba Maromak fo konvite ba ema hotu atu sai santu. Ho  festa ohin no formasaun estreia nian konvida fali Familia Salesiana hotu atu fila fali ba abut karizma Salesiana nian katak halo buat hotu iha misaun ho Sistema Preventivo ne’ebe sai espiritualidade Salesiana nian.

Sr. Onesiana & sr. Lourdes