Dili – Iha 21 Janeiru Irmán FMA husi Komunidade 3: Komunidade Beata Eusebia Palomino, Komunidade Divina Providénsia no Komunidade São José Novisiadu ne’ebé hamutuk 20 pessoa ba dahuluk hodi partisipa enkontru ho Madre Alma Castagna, FMA, ne’ebé ko’alia kona-ba tinan 150 Institutu FMA moris.

Iha tempu hanesan madre Alma mós esplika kle’an liután kona ba Slogan ne’ebé hatudu “Memória nu’udar fini futuru nian”.

Ho memória sira ne’ebé iha ona husu ba ita FMA sira atu kontinua rona komunidade dahuluk Mornese nian hodi tulun ita iha tempu agora no ba futuru ho moris ne’ebé diferente.

Ita nia Fundadór sira (Don Bosco no Madre Mazzarello) husu ita atu rona no halo dixernimentu hodi uza kategoria Saleziana hodi hatán ba tempu ohin nian.

Selebrasaun tinan 150 halo ita reflete hodi hateke ba dook hodi sai preventivu no konkretu, fiél ba ahi oan orijen nian.

Ikus liu taka ho estatístika Irmán sira iha kontinenti 5, ho númeru hahu moris vokasaun nu’udar FMA iha tinan 1872 -2021, no mós sura Obras sira ne’ebé Irmán sira hala’o ona iha misaun ne’ebé sira moris ba.

Sura moris Irmán sira ne’ebé loke uma: hahu husi Novisa, Juniores, Perpétua no mós sira ne’ebé mate, no husik ona Institutu katak (Sai ona husi FMA) .

Ho dezafiu ne’ebé ita hasoru iha moris prezente hodi mehi ba oin nafatin.

(Ines Bartolo FMA)