Dili – Ohin loron 8 Janeiru 2021, Komunidade Edukativa Beata Eusebia Palomino halo enkontru ho Professores sira hodi haree ba programa tinan 2022 nian, aprezentasaun ne’e husi Diretora eskola Ir Suzana Alves dos Santos.

Iha enkontru ne’e mós, Ir Júlia Marçal aprezenta Estréia Reitór-Mor ba tinan 2022 nian, ho Tema: “IMI HALO BUAT HOTU HO DOMIN, LA’ÓS HODI KBIIT”, mensajen furak S. Francisco de Sales nian ne’ebé  Don Ángel Fernández Artime foti ba estréia iha okaziaun sentenáriu tinan 400 ninia mate nian.

Estréia propoin mai ita itineráriu ida reflesaun nian atu asume ho konxiente liután Espiritualidade S. Francisco de Sales nian, atu apresia nia nu’udar fundamentu estilu Edukativu Don Bosco nian no espiritualidade Juveníl Saleziana nian.

Don Bosco nia inspiradór mak Maria Auxiliadora no S. Francisco de Sales. Don Bosco haree iha Bispu Francisco de Sales modelu bibi-atan di’ak, hahú husi kedas nia obra dahuluk “oratóriu”, hodi hanaran oratóriu S. Francisco de Sales. Ba Don Bosco nu’udar foin-sa’e sira-nia edukadór presiza aprende sai laran-maus. Bainhira ho grupu ki’ik-oan foin-sa’e sira-nian ne’ebé kolabora ho nia atu harii sosiedade ida atu eduka foin-sa’e sira, nia dehan katak sira sei iha naran “Salezianu”, husi S. Francisco de Sales.

Pontu hitu ne’ebé Reitór-Mor dezenvolve iha estréia mak tuirmai ne’e:

1. Lahó forsa, liberdade prezente Maromak nian: tan ne’e ita-nia sistema edukativu «la uza presaun sira».
2. Maromak nia prezensa iha ema nia fuan: tan ne’e, ita rekoñese «dejezu kle’an Maromak nian, ne’ebé em aida-idak iha ninia an ninia profundidade».
3. Morisi ha Maromak: ne’ebé «liga edukadór no joven sira iha esperiénisa ida mesak moris nian».
4. Laran-maus/laran-midar no amabilidade iha tratamentu: ne’ebé lori ita atu moris ho ita-nia joven sira «iha klima família nian, iha konfiansa no iha diálogu».
5. Domin lahó kondisaun no lahó limite: hodi halo sai posivel iha ita-nia família ne’ebé «Hodi banati tuir Maromak nia pasiénisa, iha bá hasoru joven sira iha pontu ne’ebé sira-nia liberdade iha bá».
6. Ho nesesidade ba gia espirituál ida: no, tanba ne’e, «Ita akompaña sira atu sira sai tasak iha konviksaun firme sira».
7. To’o moris «buat hotu tanba domin»: atu «sira sai responsavel ho modu progresivu iha prosesu delikadu kreximentu iha sira-nia umanidade iha fiar».

Poster Estréia 2022

Entre proposta sira ne’ebé iha Reitór-Mor, Don Ángel Fernández Artime,  hili poster rua ne’ebé reprezenta grafikamente Estréia 2022 kona ba tema “Halo buat hotu tan domin, la iha buat ida hodi kbiit”. Obra rua ne’e, ho estilu no aprosimasaun lahanesan, iha finalidade atu interpela no motiva Família Saleziana atu hala’o nia obra sira iha Don Bosco nia estilu no ho karakterístika típika “amorevolezza” Santu Ginevra nian.

Poster 1: Halo buat ho domin, la’ós hodi kbiit

Artista españól Agustín de la Torre, mak autór ba poster dahuluk, karakteriza ho fuan boot mean iha sentru imajen nian. Fuan mak órgaun sentrál, lori moris ba isin tomak; iha imajináriu koletivu, fuan mak fatin ba sentimentu sira, iha-ne’ebé moris esperansa, ksolok, domin atu fahe ho ema seluk. Iha fuan salezianu, ne’ebé fekit ba foin-sa’e sira – hanesan trasu sira eletrokardiograma nian ne’ebé ita haree iha poster nia background – iha espasu ba ema hotu: ne’e mak fuan ida iha-ne’ebé l aiha ema ida eskluzu.

Autór aprezenta joven sira ho hateken husi leten, hanesan Maromak nia hateken. Hateken ne’e hetan interkámbiu husi sira, ne’ebé projeta sira-nia mehi no hakaran sira bá Lalehan.

Autór tau Don Bosco iha pontu konverjénsia nian iha fuan nia siklu rua raan nia klaran. Ho hateken domin nian no ho liman nakloke ne’ebé reprezenta virtude simun ka akollimentu nian. Foin-sa’e barak hein nia, mane no feto sira kultura oioin nian no grupu otas nian, kondisaun fízika no sosiál, ne’ebé empeña an iha atividade oioin: iha balun dedika ba múzika, iha balubn ba desportu, ba kuidadu kriasaun nian, ba estudu…. Foin-sa’e ida-idak importante ba Don Bosco, no iha atividade ida-idak sira simu konvite atu tau sira nia fuan bá.

Saun Francisco de Sales no Maria Auxiliadora, padroeiru/a rua Sosiedade Saleziana nian, iha Don Bosco nia kotuk, atu fó hanoin kona-ba orijen no abut Kongregasaun nian no Família Saleziana nian.

Iha referénsia lubuk ida ba tradisaun saleziana ne’ebé hatama iha poster: ai-funan roza sira ho tarak iha Don Bosco nia mehi famozu, iha ai-fuan kastaña husi milagre famozu ida Santu Foin-sa’e nian ida-ne’e; husi asu “grigio”, ba fatin Salezianu no ‘Figlie di Maria Ausiliatrice’ nian; husi krús saleziana ba Projetu vida Apostóliak Salezianu Kooperadór sira-nian. Artista nia obra ne’e hakarak fó hanoin ba membru hotu Família Saleziana nian atu tau fuan iha servisu hotu halo ba foin-sa’e sira.

Poster 2: Don Bosco sei joga

“Street artist” romanu Mauro Pallotta, iha arte hanaran MAUPAL, mak autór poster daruak nian, iha ne’ebé aprezenta sena ida iha Oratóriu salezianu: Don Bosco iha jogu laran ho ninia foin-sa’e sira.

Hodi joga volley, Don Bosco smash ho enerjia domin nian bola oinseluk ho forma fuan nian. Ekipe/team rua ne’ebé joga mak ekipe multi-étnika. Don Bosco mak jogadór prinsipál ne’ebé hatudu dalan atu la’o. Fuan iha ninia liman sira mak sentru ema nian, husi ne’ebé mai hilin no atifvidade hotu. Don Bosco la joga mesak: atu iha jogu la hela indivíduu, tenke halo ekipe. No hogu defeza husi ekipe ne’ebé taru nakfilak ba hahalok simu nian.

Iha background, nu’udar sasin partilla domin nian ne’ebé Don Bosco foti inspirasaun, iha S. Francisco de Sales ne’ebé hamnasa, foin-sa’e ruma, SDB ida no FMA ida, iha ai-hun matak nia okos ne’ebé reprezenta Família Saleziana.

Ambiente mós iha signifikadu ida: kampu mak pátiu, fatin privilejiadu enkontru nian ho foin-sa’e sira; lalehan sai espresaun domin ida ne’ebé hakat liu regra sira jogu nian.

Kampu jogu nian mós fó hanoin kona-ba realidade dinámika moris nian: jogu ida-idak presupoin ema ida ne’ebé hetan vitória no ema seluk ne’ebé lakon, maibé iha kazu ida-ne’e imajen sira dehan katak partisipasaun ativa importante liufali jogu nia rezultadu.

Don Bosco nia ‘smash’ dudu Família Saleziana atu tau esforsu tomak aru fó domin lahó individualizmu, iha jodu ida ekipe nian iha-ne’ebé ema ida-idak partisipa ho modu ativu.

(Sidónia Paula – Redasaun fmatin)