Haburas fraternidade durante tempu Natál

Dili – Ohin loron 28 Dezembru 2021, ami Irmán sira Komunidade Beata Eusebia Palomino Comoro-Dili, halo paseiu Natal hamutuk iha Maumeta beach (Alma do Mar)-Liquisa. Iha eventu ida ne’e mós fahe ksolok fraternidade nian, mak hanesan joga karta, vizita fatin sira, foto hamutuk, haris tasi, no merenda hamutuk. Iha biban ida ne’e mós halo ami sente domin ne’ebé simu no fahe hamutuk iha momentu Jezús Kosok Oan nia moris ida ne’e, tulun ami hametin liu tan Uniaun nu’udar bin no alin. Ho paseiu ida ne’e ami agradese ba Maromak ba grasa maravilla nian ne’ebé ami hasoru iha loron ida ne’e. Nune’e ami hasae gratidaun ba Maria liu husi rozáriu hamutuk.

Iha kalan komunidade haree hamutuk filme “Il Quarto Re” hodi hein tranzmisaun streaming aprezentasaun estreia 2022.

Aleinde ne’e, komunidade mós hakarak moris prosimidade ho ema ki’ik no mukit, nune’e,  horisehik ba vizita bebé ne’ebé nia inan mate iha 22 Novembru 2021, no idoza ida ne’ebé hela besik komunidade no iha nesesidade laran.

(Sidonia FMA-Martinha FMA)