Laga – Iha loron 2 dezembru 2021,Orfanatu Beata Laura Vicuna hetan visita especial husi komisaun nasional direitu protesaun ba labarik mai fo formasaun ba labarik sira kona ba direitu no dever labarik nian. orador husi sra. Dinorah Granadeiro (komisaria labarik) no ho nia ekipa.

Objetivu husi enkontru formativu ida nee mak: tulun no haboot labarik sira nia koñesementu kona ba lei protesaun direitu no dever labarik idaidak nian.

Labarik sira hotu partisipa ho entuziasmu durante hala’o formasaun loron tomak, sira husu perguntas neebe iha relasaun ho tema Direitu no dever labarik nian. Hotu tiha formasaun iha dader, komisaun Nasional rasik prepara almoco hodi han hamutuk ho labarik sira, depois sira kontinua ho tema ikus kona ba VIOLENSIA neebe hatoo husi komisaria Sra. Dinorah Granadeiro. Ikus liu Labarik sira hotu espressa sira nia sentidu gratidaun nian liu husi sira nia knananuk no dansa sira.

DIREITU FUNDAMENTAL IHA OIN HA’AT:

1. Direitu ba sobrevivensia
2. Direitu ba dezenvolmentu
3. Direitu ba protesaun
4. Direitu ba partisipasaun

• Direitu ba sobrevivensia : moris, naran no nasionalidade, susu been inan inan, imunizasaun, nutrisaun, proteje labarik husi moras bebe nian, dame iha familia
• Direitu ba dezenvolvementu: edukasaun infantil, kualidade edukasaun basika, oportunidade ba tempu, livre no halimar, oportunidade ba informasaun apropriadu, dame iha familia, ambiente diak.
• Direitu ba protesaun: Ambiente, dame iha familia, protesaun husi faan labarik, esploitasaun sexual, abuzu, neglizensia, esplorasaun ho objetivu ba ekonomia, provizaun lejizlativas, adopsaun, inan aman hakiak
• Direitu ba partisipasaun: aseseu ba informasaun, oportunidade ba hatoo hanoin, diereitu ba halo asosisaun, asesu ba trienu vokasionais, liberdade atu ema bele rona no bele respeita. Labarik sira sente kontente no orgunlho tamba bele simu informasaun direitu labarik nian, nu’udar labarik konxiente liutan ba sira ida-idak nia-an kona ba sira direitu no obrigasaun sira “ estuda, rona, aprende no halo tuir regras sira. “ menina sira sente kontenti tamba bele simu inforamasaun ne’ebé klean liu direitu ba labarik liu-liu kona ba protesaun ba moris.

Komunidade Laga