Fuiloro, 10 Novembru, iha Kolejiu Maddalena Morano Fuiloro hetan Vizita espesial husi sua Exelência Secretario Estado da SEPFOPE Senhor Alarico de Rosario, hamutuk ho Director Jeral SEPFOPE, Senhor Paulo Alves, Senhor Jose Asa, hamutuk ho xefe Departamentu Husi diressaun oin-oin SEPFOPE nian ho Ekipa halo vizita badak ba Centro Formasaun Computer e Costura Fuiloro.

Objetivu husi vizita ne’e mak atu obserba dereitamentu Sentru Formasaun tanba, Sentru ne’e hetan apoiu husi SEPFOPE no mos sai parseiru diak, tanba sentru ne’e produz ona menina barak ne’ebe hetan serbisu iha Ministerio oin oin no mos balun serbisu iha NGO no setor privadu sira.

Lia menon husi Sua Exelência ba menina Kursus sira mak: buka aprende nafatin buat foun husi Sentru ne’e, hodi aumenta imi nia kapasidade liu -liu iha mundu Serbisu nian ne’ebe ohin loron avansadu tebes.

Ohin loron ema barak hasai kursu oin-oin maibe nafatin presisa attitude no komportamentu diak mak ema bele uza ita iha serbisu fatin.

Diretor Paulo Alves mos fo korajen ba menina sira atu buka aprende nafatin atu hasae kapasidade iha area ne’ebe imi aprende ona atu nune’e imi bele fo kontribusaun ba rai doben ne’e ho matenek ne’ebe imi iha.

IKus nian Secretario Estado da SEPFOPE hamutuk ho Ekipa tomak halo vizita ba fatin Aprendizajen nian hanesan Aula Teoria materia Jerais nian, Aula Pratika Computer, Aula suku nian no mos Biblioteka ne’ebe sai fatin ne’ebe lee nian ba menina sira.

(Ines Bartolo FMA)