Dili – Ohin 5-11-2021 ami komunidade Beata Eusebia Palomino-Comoro hamutuk ho professores, traballadores no foin-sa’e Palomino balun halo Lectio Divina iha Padre Canossiano sira nia uma iha Hera. Pe. Nivio (Canossiano) simu ami ho ksolok hodi oferese fatin ba ami, ho ambiente mos, hakmatek no furak atu bele realiza ami nia orasaun Lectio Divina ho di’ak. Lectio ne’e realiza hodi prepara ba festa agradesementu Inspetoria TIN nian no pasajen Evanjellu ne’ebe ami haklean foti husi (Lc. 10,25-37): “Bom Samaritano”, haklean liu kona ba personajen nain-3 nia karakteristika tuir Dokumentu Fratelli Tutti (Papa Francisco)nia testu, nune’e ami ida-idak foti karakteristika balun samaritano nian nu’udar empeñu pessoal atu pratika ho estudante sira ne’ebe presiza tulun maibe mos nu’udar komunidade Edukativa foti aksaun konkretu ruma halo karidade hodi ba vizita maluk sira ne’ebe moras no kiak iha material. Depois de Lectio iha jogos oi-oin atu haksolok hamutuk no hametin liu tan ami nia relasaun amizade nu’udar komunidade Edukativa.