“Ami la nonok ba buat ne’ebe ami hare no rona.

Agradese Na’i ba Ita nia fidelidade.”

Dili – Loron 24 de Outubru mak loron espesiál ba ami nia komunidade, tan loron ne’e mak loron gratidaun nian. Ami hahu loron gratidaun nian, ho selebrasaun Eukaristia ne’ebé preside husi Pe. Julino SDB. Tema ba festa agradesementu komunidade nian mak : Foti husi (Act,14,20) Ami la nonok ba buat ne’ebé ami hare no rona, agradese Na’I ba Ita nia fidelidade.  Hakarak atu dehan katak labele nonok ba buat diak hotu ne’ebe simu husi Maromak mak hanesan,talentu sira grasa no seluk-seluk tan. Depois de Misa ida-idak hala’o nia knar ho orasaun, ho modo espesial agradese Maromak ba Madre Brígida De Sousa FMA ninia prezensa ne’ebé fo an tomak ba Na’I nia misaun iha komunidade. Ami agradese ba madre nia animasaun, domin, ksolok, sakrifisiu, pasiensia, resposabilidade  nu’udar inan no bin hodi akompaña, guia no tau matan ba irman , menina sira no foin-sa’e sira hotu ne’ebé Na’i entrega ba Madre iha misaun edukativa nian.

Iha loraik ami kontinua ho Tersu animado, han kalan no atraksi, no ikus mak, lia menon husi Madre boot ba irman no menina sira hodi dehan: Ha’u agradese ba imi ida-idak nia prezensa ita la’o ona kuaze tinan ida ita nia prezaensa ba malu, ne’ebe fo korajen, tulun malu iha buat hotu, Na’I sei fo bensaun nafatin mai ita. Loron tuir mai, loron mundial ba misaun nian nune’e komunidade reza Tersu hamutuk ho menina sira iha kapela. Hodi hanoin mos katak loron mundial misaun nian mos sai nu’udar momentu ida atu hamoris fali, hakarak no dever atu partesipa ho ksolok bo’ot iha misaun ad Gentes. Amu Papa Fransisco konvida ita ida-idak atu keta halakon ksolok evanjelizasaun nian maibe atu luku tama ba ksolok Evangelliu nian no koko domin be iha kbiit atu haroman ita nia vokasaun no misaun.

Obrigada!

Komunidade Divina Providénsia