Dili – Depoizde halo tiha formasaun durante Semana tolu, husi Radio Comunidade Comoro, ohin, 8 Outubru 2021,  alunu/a sira Ensino Básico Maria Auxiliadora ne’ebé partesipa iha formasaun ne’e hahu halo pratika hodi aprezenta programa ida iha Radio ho titulo “Lian estudante”. Iha sira nia aprezentasaun sira konvida diretora da Escola Maria Auxiliadora atu halo entrevista kona ba istória eskola nian, vizaun no misaun, atividade sira ne’ebé realiza, dezafiu sira ne’ebé eskola enfrenta no informasaun seluk tan kona ba eskola ne’e.

Ida ne’e mak esperiénsia dahuluk alunu/a sira-nian atu sai nudar aprezentadór/a iha Radio no sira halo ho korajen no susesu tebes. Esperiénsa ne’e sai hanesan momentu oportunu atu aumenta liu tan alunu/a sira nia kapasidade no kriatividade iha mundu jornalizmu nian liuliu oinsá sai aprezentadór/a ne’ebé di’ak iha Radio. Sira sei halo prátika to’o fulan tolu no sira nia programa “lian estudante” sei aprezenta iha loron sesta, tuku 9.00 dadeer to’o remata.

(Suzana Alves FMA)