Roma (italia) – Kapitulár sira, husi loron 3-4 Outubru moris tempu ida dixernimentu nian atu hili Superiora Jerál Institutu nian no membru sira Konsellu Jerál Institutu FMA Nian.

Iha Domingu 3 Outubru 2021, Kapitulár sira hahú loron ho Eukaristia ne’ebé Padre Pascual Chávez mak prezide. Iha omilia nia fahe dezafiu ne’ebé Vida Konsagrada tenke enfrenta atu mantein nia domin lakan no konsisténsia ba fidelidade, iha tempu ida difisil no nakonu ho faxíniu: “Ho baze fiar sólida ne’ebé haburas esperansa moris nian no manifesta iha domin konkretu no inkondisionál ba Maromak no ba ita-nia maun-alin sira, iha-ne’ebé ita rekoñese Na’i Jezús nia oin, ita-nia fidelidade ba Domin iha vida kosagrada sai posivel no relevante“.

Padre Pascual mak gia pasu sira dixernimentu nian. Iha roman Maromak nia Liafuan nian nia pasajen “Husik nakfilak an atu hafoun ita-nia neon” (Rm 12, 1-2), Padre Pascual esplika katak iha prosesu dixernimentu nian Espíritu Santu mak protagonista loloos Kapítulu nian. Kapitulár ida-idak prezente hodi ninia realidade inspetoriál nia naran mós no komunidade asembleia-kapitulár sai ba eleisaun no delegasaun Irmán sira-nian, símbolu atuál Institutu tomak nian, ninia prezente, ninia memória nian, ninia mehi sira.

Etapa sira dixernimentu nian hala’o iha tempu ne’e mak uluknanai, haree saida mak dezafiu sira ohin nian; tuirmai haree perfíl Superiora Jerál nian ba tempu ohin; hafoin halo sondajen kona-ba Irmán ne’ebé bele gia Institutu, ohin. Buat hotu halo nafatin iha espíritu orasaun nian, adorasaun ba Santíssimu nian, iha tempu dixernimentu pesoál no dixernimentu komunitáriu.  Iha tempu dixernimentu no raronak ba Maromak nia projetu presiza iha dosilidade husi parte hotu ba Maromak nia lian. Espíritu Santu duni mak protagonista, iha dixernimentu pesoál no iha dixernimentu komunitáriu, bainhira halo partilla iha Komisaun sira hodi lori ba konsensu.

Eleisaun Madre Jerál nian halo iha loron 5 Outubru 2021 no loron sira tuirmai sei hili Vigária Jerál no Konselleira sira, neen ba Ámbitu sira no hot ba Visitadpra sira. Dixernimentu sei remata iha loron 10 Outubru.