Roma – Husi loron 19-20 Setembru, Madre Jerál no Konselleira sira aprezenta Relatóriu kona-ba Institutu nia moris no misaun, ba tinan sira husi 2014-2020.

Kapitulár sira simu ho abertura no raronak Institutu FMA nia dalan iha Kreda, prosesu sira ne’ebé sei hala’o no presiza habiit, dezafiu sira kontemporaneidade nian no trasu sira futuru nian.

Testu Relatóriu nian nia artikulasaun hahú ho introdusaun jerál ne’ebé halo ita haree orizonte tema Kapítulu nian “«Ima halo buat hotu ne’ebé Nia sei dehan ba imi» (Jo 2,5). Komunidade jenerativa iha fuan kontemporaneidade nian”, liafuan sira ne’ebé gia komunidade lokál no inspetoriál sira iha aprofundimentu aspetu oioin tema nian.

Hafoin aprezenta FMA nia prezensa iha mundu husi pontudevista numériku, jeográfiku no obra no atividade edukativa sira. Tuirmai aprezenta Madre Jerál nia animasaun no governu, Vigárua no ninia Konsellu tuir dalan sira ne’ebé KJ XXIII husu.

Konselleira Vizitadora sira aprezenta Komunidade/Inspetoria nia moris, tuir buat ne’ebé sira haree durante vizita sira. Iha relatóriu iha mós kapítulu ida kona-ba Sekretaria no Arkíviu Jerál.

Ikusmai, Relatóriu oferese hateken ida ba futuru, hodi propoin trasu ruma dalan nian ba Institutu nia moris hahú husi Íkone Festa Kaná nian, hodi esperimenta Maria nia prezensa iha Kreda no institutu nia moris.

Dalan tinan neen ne’e nian sai riku liután ho Papa Francisco nia Majistériu, ho dokumentu karizmátiku no Kreda nian, ho eventu sira ne’ebé marka Institutu nia moris.

Kapitulár sira, depoizde tempu ida estudu nian, reflesaun pesoál nian, sira halibur nu’udar Konferénsia Inter-inspetoriál atu halo partilla no elabora pergunta sira ba Madre Jerál no Konselleira sira.

“Jeneratividade ne’ebé halo ita sai ida iha diversidade forsa sira-nian, prezensa nian no prosesu sira-nian no husi ne;e kompoin rede sira, raronak, servisu fraternu, audásia misionária no paixaun apostólika, loke ita ba maravilla no hahí ba buat hotu ne’ebé Maromak surpreza nain halo iha ita ida-idak no iha Institutu iha tinan sira grasa nian ida-ne’e” (Madre Yvonne Reungoat, Sirkulár 1011).

Kapitulár sira hasae Magnificat ba Na’i iha empeñu atu halo tua foun realidade ida ne’ebé asegura vitalidade karizmátika no fraterna sinodalidade nian.