Roma (Italia) – Kapítulu Jerál XXIV mak senákulu ida vitalidade karizmátika nian, espresaun “tempu Maromak nian”, tempu rona nian no hilin korajoza sira atu “halo buat ne’ebé Nia sei dehan ba imi” iha  kontemporaneidade nia fukun.

Selebrasaun Eukarístika, ne’ebé Reitór-Mor eméritu padre Pascual Cháves Villanueva mak prezide, anima husi Konferénsia Interinspetoriál Áfrika no Madagascar (CIAM). Knananuk no dansa afrikana sira esprime ksolok festa no enkontru nian, hanesan iha Kaná Galileia nian.

Padre Pascual, iha omilia, enkoraja asembleia atu moris tempu grasa nian ida-ne’e iha dosilidade ba Espíritu Santu: “Nia Jezús nia sasin mak halo ita sai sasin Kristu nian, Atu Nia sai protagonista prinsipál iha eventu grasa nian ida-ne’e, nune’e Kapítulu bele sai loos duni Pentekostes karizmátika ida».

Abertura ofisiál inaugurasaun kontinua ho momentu selebrativu entrada Bandeira  Nasaun sira-nian. Institutu atualmente prezente iha kontinenete lima, Nasaun 97. Bandeira sira esprime sentidu universalidade, diversidade no rikusoin Pais ida-idak nian. Iha kor oioin kultura nian, ema nia oin nian ne’ebé partilla misaun edukativa no karizmátika. Komunidade edukativa hotu mós hetan ninia reprezentasaun, husi reflesaun kapitulár, roman atu fanun matak-malirin orijinál no fekundidade vokasionál Institutu FMA nian.

Madre Jerál “Figlie di Maria Ausiliatrice” nian, Ir Yvonne Reungoat fó “boas-vindas”. Nia hanoin hikas dalan no prosesu sira preparasaun nian ba KJ XXIV, subliña konfiansa iha Maromak nia tempu no moris ne’ebé harii daudaun iha kontemporaneidade nia fukun atu sai, iha diversidade kontestu no ambiente sira-nian, komunidade jenerativa moris no esperansa nian

«Ohin ita prezente iha-ne’e, hotu-hotu hamutuk reprezenta ita-nia Kontinente lima nia realidade lahanesan no kompleksa. Komuñaun kle’an entre ita mak forsa ida no sinal profétiku ida evidente.

Jeneratividade mak misaun ne’ebé Maria hakarak iha Institutu nia istória durante tinan 150 nia laran husi fundasaun, no kontinua jenera no gia, atu Institutu bele sai, iha Kreda no mundu, buat ne’ebé tenke sai ba no ho foin-sa’e sira. Maria prezente ativamente no kontinua la’o ho it ahotu hanesan nia halo ho modu surprendete ho ita-nia Fundadór/a.

Iha halo votu atu moris esperiénsia loos ida enkontru fekundu ho tubun foun moris nian atu husi ne’e la’o bá oin, ho moris foun, ho paixaun no entuziazmu atu hahoris moris foun iha ita-nia omunidade sira no iha misaun edukativa».

Kardeál João BRAZ de AVIZ, Prefeitu “Congregazione per gli Istituti di Vita Consacrata e le Società di Vita Apostolica”, partilla ninia admirasaun profunda hodi haree serbisu ne’ebé Institutu hala’o iha preparasaun ba Kapítulu Jer’al, hodi valoriza rikusoin karizmátiku Institutu nian no empeu atu sai sinál konkretu sinodalidade nian iha Kreda, atu serví sira ne’ebé kiak liu. Hafoin, nia indika ain-hakat ruma atu hala’o dalan sinodál: vida fraterna iha komunidade, raronak no diálogu, fraternidade, abertura ba karizma sira seluk, autoridade-servisu, obediénsia ba Jezús, vida ekeleziál.

Reitór-Mor eméritu padre Pascual Cháves Villanueva lee Don Ángel Fernández Artime, Reitór-Mor nia mensajen ne’ebé konvida ba laran-metin no abertura ba Espíritu Santu, hodi enkoraja atu moris esperiénsia ne’e iha raronak Liafuan nian no iha dixernimentu, nune’e hatán nu’udar feto konsagrada sira, Don Bosco enoMadre Mazzarello nia oan-feto sira, hodi revitaliza karizma salezianu ho hilin korajoza sira no brani ba foin-sa’e sira nia di’ak, liuliu sira ne’ebékiak liu no iha nesesidade laran hamutuk ho da mihi animas coetera tolle no ho fidelidade kriativa ba “A te li affido”.

Irmán Chiara Cazzuola, Reguladora KJ XXIV nian, fó sai katak, tan motivu Pandemia nian, Konselleira Jerál balun sei lee mensajen sira husi grupu balun Família Saleziana nian (Eis-aluna/u sira, Salezianu Kooperadór/a sira, ADMA, VDB, CDB, Vides) no Joven sira Moviemntu Juveníl Salezianu Europa no Medio Oriente nian.

Tuirmai, Madre Jerál deklara ofisialmente Kapítulu Jerál nia abertura.

Ho Maria nia prezensa no akompañamnetu, Kapitulár sira tama iha esperiénsia kapitulár nu’udar tempu Espíritu Santu nian, ne’ebé sei habiit iha hotu-hotu no iha Komunidade Edukativa sira laran-manas misionáriu foun atu la’o tuir dalan santidade nian no fidelidade kriativa nian ba karizma salezianu.