Dili – Comoro – Husi  30 Agostu to’o 2 Setembru 2021, hamutuk ho pe Joaquim Sarmento SJ, ami hakle’an kona-ba dixernimentu espirituál. Wainhira ita ko’alia kona-ba dixernimentu espirituál, ita konxiente katak ita tama iha tema boot ida ne’ebé hatur nia-an iha kontestu sira ne’ebé luan liu Dixernimentu espirituál ne’e rasik. Prátika Ddxernimentu ne’e hatudu tema boot sira tuir mai ne’e :

• Maromak nu’udar sentru no referénsia ba ita-nia moris tomak. Iha kontestu ida ne’e mak ita haree tema boot Obediénsia nu’udar atitude atu halo tuir Maromaknia vontade.
• Espíritu Maromak moris nian kontinua prezente ( iha ema nia fuan, komunidade, mundu ). Nia mak fó kbiit no vida haroman neon atu hatene Maromak nia vontade no halo tuir. Tanba Espíritu mak domin ida ne’ebé atu halibur ita ho Maromak. tan ne’e mak caminho espirituál ka vida espirituál ne’e no fim signifika moris iha Espíritu nia ukun ( hidup dalam Roh ).
• Orasaun nu’udar relasaun íntima no pesoál ho Maromak. dixernimentu loloos mak orasaun ida. Kada orasaun ida implika dixernimentu.
• Vida interioridade : espíritu sira nia luta kontinua, ita nia-an no ita nia mundu ne’e hanesan “campo de batalha” ida ( lapangan pertempuran ida) ba espíritu di’ak hasoru espíritu aat. Nune’e dala barak ita la haree klaru Maromak nia vontade, ita kahur ba mai. Tan ne’e mak ita presiza tebes edukasaun ba konxiénsia/ suara hati, ne’ebé atu sai kroat hodi tetu buat ne’ebé di’ak no loos husi buat ne’ebé aat ka sala.
• Aspetu umanu : hala’o vida nu’udar ezersísiu sabedoria ( rangkaian keputusan/pilihan ).

Buat ne’ebé la tulun ema ida atu halo dixernimentu mak buat hotu ne’ebé Jezús dehan katak impede ema atu tama ba reinu lalehan sai impedimentu mós ba dixernimentu. Ne’e duni vísiu sira hotu, dezeju egoista ba felisidade, prezunsaun, prejuizu, fanatizmu, sentimentu polarizadu, bloke emosionál, no tendénsia negativa sira hotu. Kondisaun negativa sira ne’e hotu ita tau hamutuk iha grupu boot ida naran ‘afecciones desordenadas’ ( rasa lekat tak teratur).

Buat ne’ebé tulun ema ida atu halo dixernimentu mak virtude sira hotu( liu-liu teologal ), umildade no simplisidade, dezeju jenerozu atu serví Maromak, pureza intensaun nian, sentimentu maduru, gia Espíritu nian iha orasaun no peniténsia, Eukarstia, nst.

Padre mós husu atu konfronta dixernimentu ne’ebé padre fahe ho dixernimentu  ne’ebé iha dokumentu sira institutu nian.

Obrigada Pe. Joaquim SJ ba disponibilidade tomak.

 

(Ir Olviana-Libanha-Josefa)