Dili- Husi 21-23 Agostu 2021 hamutuk ho Irmán Carolina Correia, FMA, ami hakle’an kona-ba Dimensaun Mariana iha Konsagrasaun relijioza;  Maria nia papél iha Vida konsagrada nia naximento no krexiemntu no Maria nia misaun materna ho relijiosa individuál. Hahú ho lectio kona-ba “Milagre dahuluk iha Kaná-Galileia”.

Maria mak modelu perfeita konsagrada ho dimensaun tolu konsagrasaun nian : A) Nia kompletamente Maromak nian.  B) Nia devota totalmente ba Kristu.  C) Nia mak instrumentu perfeita Espíritu Santu nian iha nia asaun konsagrasaun universál.

Maria nia konsagrasaun mak konsagrasaun katoluk nu’udar virjen-Espoza-Inan:
Nu’udar Virjen, Maromak Aman fihir no konsagra Nia ba Kristu nia Noivu no uniaun ida-ne’e sai fekundu espirituál husi Espíritu Santu nia kbiit iha nia Divina Maternidade universál. Kompara Maria nia konsagrasaun ho relijioza nian, ita bele haree ligasaun ne’ebé eziste entre aspeitu tolu iha nia konsagrasaun, ne’e mak: Virjinál, Espoza no maternál no konsagrasaun relijioza esprime iha konsellu evanjéliku tolu: kastidade, obediénsia no pobreza.

Santo padre João Paulo II observa katak, Maria nia maternidade la’ós de’it individuál. Iha valór koletiva ne’ebé esprime iha nia titulu “Kreda nia Inan”. Iha liman ida, nia mak inan ba indivíduu ida-idak. Ne’e duni, hanesan maternidade ida-idak, Maria nia maternidade mós iha aspetu koletivu no dimensaun pesoál: Virjen Santíssima mak Inan ba nia oan sira hotu no ba sira ida-idak. Nu’udar Kreda nia Inan, nia hakohak ida-idak no ema hotu iha Kreda, hakohak ida-idak no ema hotu liuhusi Kreda.

Maria prezente iha vokasaun relijioza nia naximentu no formasaun. Nia envolve intimamente iha prosesu krexiemntu tomak iha Espíritu Santu. Misaun plenitude ne’ebé nia hala’o hodi serví Jezús, nia kumpre, benefísiu iha nia isin, ne’e mak kreda, no kristaun ida-idak, espesialmente, sira ne’ebé haka’as-an atu tuir Kristu besik liután ( LG 42).

Don Bosco hakarak ita FMA ida-idak sai monumentu moris ninia gratidaun ba Tulun-Na’in no husu ita atu sai ninia agradesimentu; signifika hanaruk Maria nia prezensa materna iha mundu, ho razaun ida ne’e FMA promove atu moris “hanesan Nia tulun-na’in liuliu iha foin-sa’e sira leet”.

Obrigada Irmán Carolina.

(Ir Josefa-Libanha-Olviana FMA)